Post76 2012年度十大遊戲選舉 (入圍名單/各活動結果/迷底公佈~)
本帖最後由 @肥狗仔@ 於 2013-2-13 01:10 編輯「十大遊戲選舉」(提名)﹑「最期待遊戲選舉」及「遊戲競猜」活動結果公佈
長達兩個月的提名活動終於結束。「十大遊戲選舉」總共收到20個提名票，所提名的遊戲共15款。由於提名遊戲未超過20款，故今年所有獲提名的遊戲都會被列入投票活動的入圍名單之中，而投票期將會在年初四即星期三開始，希望各位Ching繼續支持。而「最期待遊戲選舉」則只有6個提名票，當中《Last of US》取得最多票數勝出。至於「遊戲競猜」活動，到結束為止，共有5位Ching參與。而6個字當中，有3個字版成功破解，包括「遊」﹑「大」﹑「選」等字。三個活動的結果如下:
*所有活動的派分獎勵現正進行中，預計明晚7點前完成。屆時如果有參與活動的Ching發現自己還未有收到加分，請與本人聯絡。THX^^
「十大遊戲選舉」入圍名單(投票活動將於年初四展開):
Biohazard 6
Sleeping Dogs
Rocksmith
Halo 4
Tom Clancy's Ghost Recon: Future Soldier
Persona 4 Golden
NBA2K13
Diablo 3
Battlefield 3: Aftermath
Forza Horizon
Call of Duty: Black OPS 2
Journey
Dishonored
Far Cry 3
Puzzle & Dragons
「最期待遊戲選舉」活動結果:
獲得「Post76 2012年度最期待遊戲」的遊戲是:
《Last of US》/ 平台: PS3
@肥狗仔@: 過去有唔少同本作一樣嘅求生遊戲出現，但論電影感，畫面，故事深度，本作貌似更高一班。更重要嘅係本作係Naughty Dog嘅作品，亦都可能係PS3嘅最後大作。當然要睇高一線
其他提名:
《BioShock Infinite》
《HALO 5》
《The Last Guardian》
《God Of War Ascension》
「遊戲競猜」活動結果:
已破解字/破解者:
遊: Max Payne 3/ 破解者: bsky666
大: Mass Effect 3/ 破解者: 大佬John
選 : Space Invaders/ 破解者: 大佬John
未破解字:
十: Halo 3
戲: Doom 3
舉: ICO
**************************************************************************************************
(點擊大圖)
唔經唔覺小弟入咗黎76已經兩年有多。今年正值Post76十周年，如果以本人兩年嘅年資就用「百感交集」來形容自己心情，又好似有點兒誇張。但的確，當我決定要搞第一個「十大遊戲選舉」嘅時候，感覺實在微妙至極，事關本人當初入黎76本身並唔係因為電玩遊戲。如今第二屆「十大遊戲選舉」都黎，@肥狗仔@仍然唔太記得當年係因咩事會入黎電玩區度蒲。不過正所謂「過程留給自己，結果留給別人。」如果連結果都唔再重要，咁區區一兩個因由就更加唔算什麼。單單係可以認識一班「基友」對小弟黎講已經三生有幸，在此感謝一路以黎咁多位Ching嘅關照同支持。
正式入題，喺上年嘅活動入面，參與者經過提名及投票兩個環節去選出年度十大遊戲，同時本人亦鼓勵參與者對心水遊戲進行評價及感想，令生硬嘅投票活動可以注入交流部份。而今屆「Post76 2012年度十大遊戲選舉」會承接上年嘅宗旨，並進一步新增兩個新項目: 「最期待遊戲選舉」及「遊戲競猜」，希望為今次活動加入新鮮元素。
*所有Post76會員都可以參與今次活動。
Post76 2012年度十大遊戲選舉 活動細則(提名之前請細心看一次)
本屆十大遊戲選舉分三個部份，包括「十大遊戲選舉」, 「最期待遊戲選舉」及「遊戲競猜」。在提名期間，參與者可以參與上述所有活動，亦可只參與其中之一。以下為各部份的玩法及規則。
I「2012年度十大遊戲選舉」
本次活動的核心部份。目的是要選出2012年度，Post76網友心目中的十大遊戲及交流遊戲心得及感想
規則:
1. 十大遊戲選舉分「提名」及「投票」兩個階段。
2. 提名期由即日起至2月10日。
3. 在提名期間，網友可以提名自己的心水遊戲。最少提名一款，不設上限。
4. 所有提名遊戲必須於2012年1月1日至2012年12月31日之間推出。凡不是2012年年內推出的遊戲均不會被計算在內。
5. 遊戲平台不限。可以是家用主機，電腦遊戲或手機遊戲。
6. 參與者提名遊戲時請儘可能標名所屬平台。
7. 遊戲類型不限，色情遊戲(H-game)除外。
8. 高清復刻遊戲(e.g 《大神 絕景版》﹑《MGS HD Collection》)提名可以被計算，但該必須要在2012年年內推出。
9. 所提名的遊戲不能是一個系列。必須標名是那一部作品。例如如果要提名《Biohazard 6》，則不能單以Biohazard提名，而應該以Biohazard 6。
10. 網友除了可以列出提名名單之外，亦可以加入圖片及文字感想(可以是對遊戲的感覺﹑趣事及優劣評價)。
11. 所有參與活動的朋友都會在提名期結束後得到主辨單位的加分獎勵。參與者的提名中，圖片及分享愈多，加分亦會愈多。
12. 在提名期結束前，參於者可以對提名名單作無限次修改。
13. 在整個活動結束後(包裝投票結束)，主辨單位會選出其中一位分享得最好的朋友為「最佳評論者」。
14. 提名期結束後，主辦單位會點算各網友的提名，獲得最多提名的20款遊戲列入入圍名單，最終由網友投出十大遊戲。「投票」期及詳情將於稍後公佈。
*一樓示範
II「最期待遊戲選舉」
本次新增活動，目的是選出本年度網友最期待的一款遊戲。
規則:
1. 「最期待遊戲選舉」不設投票環節，網友直接通過提名選出一款最期待遊戲。
2. 提名期由即日起至2月10日。即2月10日後，「最期待遊戲選舉」就會正式結束。
3. 在提名期間，網友可以提名自己的所期待的遊戲。最少提名一款，不設上限。
4. 所有提名遊戲必須於2013年打後推出。凡是2013年之前推出的遊戲均不會被計算在內。
5. 遊戲平台不限。可以是家用主機，電腦遊戲或手機遊戲。
6. 遊戲類型不限，色情遊戲(H-game)除外。
7. 提名的遊戲可以是已公佈及未公佈的遊戲作品(e.g 《Biohazard 10》)
8. 網友除了可以列出提名名單之外，亦可以加入圖片及文字感想(可以說說為什麼會期待這款遊戲，當然純粹吹水亦可以)。
9. 所有參與活動的朋友都會在提名期結束後得到主辨單位的加分獎勵。參與者的提名中，圖片及分享愈多，加分亦會愈多。
10. 在整個活動結束後，主辨單位會選出其中一位分享得最好的朋友為「最佳評論者」。
*一樓示範
III「遊戲競猜」
本次新增活動，目的是為了考考參與者對遊戲的熱愛程度。
遊戲非常簡單，今次活動海報當中(見上圖)6隻字:「十大遊戲選舉」，每隻字入面都有圖。每張圖都出自一款遊戲嘅截圖(來自遊戲或預告片)或宣傳圖。參與活動的朋友只要觀看所有圖，並估出究竟每隻字嘅圖究竟係屬於邊一款遊戲。
1. 參與者唔需要估哂，估一兩隻亦可。
2. 最快答中嘅參與者將會在活動結束後(2月10日)獲得加分獎勵。
3. 若到活動結束後，該字還未被解密，主辦單位將會「開估」。
*一樓示範
*若對活動有任何問題請告知本人，在此再一次感謝大家支持^^ 本帖最後由 @肥狗仔@ 於 2013-2-11 00:38 編輯
提名示範:(只供參考之用~非入圍名單)
「十大遊戲選舉提名」
1. Halo 4 平台X360
《Halo 4》絕對係系列入面嘅巔峰之作。343工作室將HALO系列嘅精髓抽出並進行整合，使到本作無論喺關卡節奏上還是戰鬥部份都得到最大發揮。特別係手感及音效有著非常大嘅進步，畫面進化更令遊戲成為X360畫面最出色嘅遊戲之一。雖然形同虛設嘅BOSS戰令遊戲最後部份失重，但作為343第一款HALO作品，已經十分難得。
2. Ghost Recon: Future Soldier 平台: X360
當得知Ubisoft放棄E3 2010嘅設定時，本人多少感到有點失望。而上手後感覺還算唔錯。儘管個人仍然較希望遊戲可以延續《Advanced Warfighter》嘅玩法，但本作結合左《Splinter Cell: Conviction》嘅節奏及特色後已經變成一款多元化戰鬥嘅槍戰遊戲。如果話《Advanced Warfighter》嘅遊戲性在於單位指揮的話，咁本作嘅遊戲性就在於實際單兵操控方面。
3. Journey 平台: PS3
從來未有一款遊戲其流程只有兩小時，但可以帶俾我如撕震撼的遊戲體驗。本作玩法極之簡單，就是前進和跳，但過程中玩家能夠體驗一個前所未有的美麗國度。油畫般的畫面﹑優美的配樂再加上隨機挑選的線上同伴。在缺乏語言及提示的情況下，本作成功營造出一個獨一無二的遊戲風格。如果要數今年最驚喜的遊戲，那就肯定是這款《Journey》了。
4. Dishonored 平台: PS3/X360/PC
《Dishonored》算係2012年的其中一隻黑馬。不過黑馬還黑馬，本作話俾玩家知道並非只要將唔同風格/時代嘅野夾埋一齊就可以做到《Bioshock》，亦都話俾玩家知道唔係咩類型嘅作品都可以拎黎做FPS遊戲。
Far Cry 3 平台: PS3/X360/PC
《Far Cry 3》是一款稱職的sandbox遊戲。廣闊的地圖﹑豐富的探索元素及支線任務。最重要是前作有如鐵甲萬能俠般的敵人設定已經得到改善。不過相對其他同類作品，你不會在本作中找到什麼特別之處。或者和《The Dark Knight》一樣，大反派才是亮點吧?
「最期待遊戲」
《BioShock Infinite》
由第一集原班人馬開發，再次展現遊戲中嘅哲學。實在非買不可。
《HALO 5》
從《HALO 4》嘅表現而言，我地有理由相信哩個新三部曲嘅第二部可以喺次世代XBOX中大展拳腳。
《The Last of Us》
過去有唔少同本作一樣嘅求生遊戲出現，但論電影感，畫面，故事深度，本作貌似更高一班。更重要嘅係本作係Naughty Dog嘅作品，亦都可能係PS3嘅最後大作。當然要睇高一線。
《The Last Guardian》
上田文人最後嘅作品，雖然以現在嘅消息睇黎，遊戲未必可以成功登陸PS3，但一眾ICO迷包括本人依然期待著遊戲最終嘅質量對得住萬長嘅等待。
「遊戲競猜」(哩個只係示範，答案當然係錯)
十: MGS4
大: BIO3
遊: 戰神2
戲: Uncharted 3
選: DMC2
舉: 俄羅斯方塊 推啊~ push{:1_330:} Push!! {:6_236:}推啊 推推先！{:8_403:}
推{:9_427:} 因為打既Game唔算多，但都想支持下，首選Sleepdog (PS3) 同Biohazard 6 (PS3)，首先講前者，先講講d唔太滿意既野，系統未夠完善，畫面唔夠靚，遊戲長度一般，任務唔夠多變化，玩得耐都有dd悶。不過彈完隻game當然有優勝之處才能夠得我歡心啦，首先香港背景已經完全俘虜左我既心 (雖然d location搞到我亂晒龍~~XDDDD)，加上地道既廣東話同粗口 (當然對我地呢d香港仔黎講d粗口梗係未入流啦)，所以隻game未出前已經超留意佢，好期待佢有續篇將個系統同世界觀做得更好！
Biohazard 6其實初公佈果時真係無考慮過買放棄呢個系列，因為Biohazard 5對我呢d非機迷黎講實在覺得太難打，可能我對射擊game無乜天份，所以初段click住左已經令我洩氣了放低無左打勒。而今集Biohazard 6試玩過試玩版後發覺有返初代既感覺 (Leon篇)，令我久違既Biohazard既熱情忽然推翻上黎，雖然到而家我只係爆左Leon篇，其餘都仲係待玩中，但對我呢d機齡深但關唔中打下機既機友，那些年既感覺好重要，當然仍有好多核深機迷覺得呢集左抄右抄樣樣有d不倫不類，但我覺得Capcom呢次叫做做到因應玩家要求，我覺得算係有交代。 幫手推{:6_190:}