洞洞板之COOL5
今次介紹一部小弟做的耳放 , 名字叫 COOL5 , 點解叫 COOL5 , 因果這個係例的第五部 , 點解又叫 COOL ? (故仔太長唔講啦) , 講得第五部當然已經玩到小弟想要的音色啦 , 岩唔岩其他人聽我就唔知 .
介紹下 COOL5 的設計 :
外型 : 玩得手提野 , 當然要唔可以太大部 , 小弟想有乜野可以手提又最多人用的東西 , 後來想出煙盒 , 又咁岩連蘋果電話4 都是一樣咁寬 , 連大公司蘋果都用咁寬 , 就決定用 58 mm 寬 , 長度當然用返煙盒咁長啦 85-87 mm 長 , 煙盒好似幾十年的尺寸都無變過 , 定一個厚度 , 小弟用開的鋰電池是 4mm , 4x2 的重疊已經有 16mm 高 , 再加上殼的厚度和膠紙空間 , 就用 19mm 高.
外觀 : 因為在設計殼時用了銅 , 銅殼用 CNC 做出來 , 有原色和電度黑鐵色及銀色 , 因為想做到理想中的細 , 所以唔會做灣及弧.
供電 : 上個世紀有好多很多人起愛 IC 是 + - 15V 供電 , 高電壓供電對高阻的耳機或耳筒有利 , 所以就用了 8 片鋰電串聯 , 8 片鋰電串聯當然要用車仔差機(模型車差電機) , 玩得鋰電當然要有保護板啦 , 又要配對電池 , 有很多人對鋰電的危險很著重 , 咁用鋰電會唔會爆炸 , 怕爆炸就當然唔好用啦 , 係我地 D 唔怕死又想好聲的傻仔先會敢玩 , 只要對鋰電池認識夠又要好小心爆炸的機會就會減少 , 當然片電池漲左又燒左煲保護板就當然唔好用啦 . 都係講句好小心先得.
線路 : 這個線路是 BUF > OP > BTL , 訊號輸入後就到 BUF 放大電流 , 到了 VR 大細聲就到放大 , 放大用了 8.6 倍 , 因為小弟鐘意動圈的聲音 , 所以就用咁大放大倍數 , 如果動情動機 , 當然要減細放大倍數 , 放大後就到 BTL , 即係大家講的假平衡 , 假平衡會好聲咩? 哈............有時失真小小並非壞事 , 都係果句 , 我做比自己 , 自己岩聽就得 . 厚電視睇女明星靚過高清電視(我覺得).
做法 : 當然是用萬能的洞洞板啦 , 咁一定先設計一張 CAD 圖啦 , 畫好零件的位置 , 做好一件岩尺寸的洞洞板 , 焊上零件 , 再飛線 , 小小心得用享下 , 選擇錫線要用低溫的 , 因為會同一焊點會重焊幾次 , 高溫錫好易黑晒 . 飛線的線材 , 試過好多 , 小弟覺得最好用就係華X的30號高溫線 , 當然重要一把好利剪 .
測試 : 這部洞洞板耳放用了每聲道 單 > 單 > 雙 的 IC 座 , 試左很多 IC , 前 BUF 試過 OPA627 , OPA637 , LME49710 , OPA128 , OPA111 , NE5534 , AD797 , AD847 , AD843 , 放大 IC 相同試換 , 到最後的雙運BTL位置 , 試了OPA2111 , NE5532 , LME49720 , OPA2134 , OPA2132 , OPA2107 , 最後選擇了 OPA111SMQ > OPA637BM , OPA2107SM , 岩我聽人聲唱下歌 .
外殼 : 做外殼好在有個同是麻木地同我一樣吸毒的朋友做出黎 , 第一次做好上年8月 , 第二次改良今年1月 , 第三次再改良是今年8月 , 如果下次再做希望可以更好 .
在這部耳放有好多缺點 ,
好鬼重 , 有 244 克 .
充電好煩 , 要用車仔差機 , 差一次約一個鐘 , 用 5-6 個鐘 .
外觀唔夠流線型 , 方頭方角 .
要用一個四條線的插頭 , 非常唔普及 .
成本超高 , 玩左唔記得幾多錢 .
第三次再改改良的殼對比
再黎就係用這部耳放玩過的耳機耳筒 , HD600 , HD650 , HD800 , K702 , 仲有部份唔記得的耳筒 , 耳機有 IE80 , IE8 , 535 , W4R , 10仔 5仔 3仔 , 215 , 圈鐵CM , 仲有另人試的 CM , 還有唔記得的耳機 . 哈.......所有合理地有聲出 .
有留下的相片.
{:6_191:} ........................真係做好一部自己理想中的耳放真係極難 , 這部玩具頭頭尾尾已經玩左我半年(連殼) ,
自己有排都末夠班 , 做黎做去都未滿意 , 唔知仲有無機會再做下一部 COOL6 .
小弟設計和手功都麻麻 , 高手們有甚麼可以提意小弟再改良呢?
好詳盡的商品廣告{:6_143:} CLP 發表於 2012-11-18 17:45 static/image/common/back.gif
好詳盡的商品廣告
{:1_333:} .................師兄唔好意思 , 這部機是無得賣 , 只是小弟玩的 diy 玩具 . 喺呀！師兄，這部機是無得賣 < 但有得訂 本帖最後由 xTMx 於 2012-11-18 21:31 編輯
dominic_choi 發表於 2012-11-18 21:26 static/image/common/back.gif
喺呀！師兄，這部機是無得賣 < 但有得訂
訂就唔知有冇, 但個樣幾正{:1_352:}
一定有既方法....自己整{:1_340:} dominic_choi 發表於 2012-11-18 21:26 static/image/common/back.gif
喺呀！師兄，這部機是無得賣 < 但有得訂
我可以答你 , 係無得賣無得訂 , 只可以自己做. MEJI 發表於 2012-11-18 21:33 static/image/common/back.gif
我可以答你 , 係無得賣無得訂 , 只可以自己做.
可以買來自己DIY？
咁收1萬定8千？
MEJI 發表於 2012-11-18 19:29 static/image/common/back.gif
.................師兄唔好意思 , 這部機是無得賣 , 只是小弟玩的 diy 玩具 ....
唉, 下下要人畫出腸, 可苦呢...
http://rhapsodio-cmw.com/?p=1051
要唔要我POST埋HEADFI果個出來呀 自己做一D都唔難O者~~{:6_188:}
http://post76.hk/forum.php?mod=viewthread&tid=126680&extra=&page=2
本帖最後由 MEJI 於 2012-11-18 21:42 編輯
CLP 發表於 2012-11-18 21:39 static/image/common/back.gif
唉, 下下要人畫出腸, 可苦呢...
http://rhapsodio-cmw.com/?p=1051
要唔要我POST埋HEADFI果個出來呀 ...
哈...................講得好 , 問題係你睇下有無得賣.
如果你有本事買到或訂到 , 你要小弟講乜都得 , 如果你 DIY 出一部就無問題 .