尋回童真。堅持信念：｛五星大聯盟｝電影簡評
本帖最後由 SonSon 於 2012-11-14 12:50 編輯老實講，睇呢套｛五星大聯盟｝前完全沒有任何期望，唔知點解單看宣傳海報已提唔起入場意慾{:1_332:} 。但係細心一睇配音陣容，粒粒都係獨當一面既星星，就係咁抱著一看無妨心態（3D戶動畫應該唔差得去邊卦{:1_263:} ）睇呢套夢工場大作。
故事簡介：
傳說中，世界上有無數的守護精靈，一直默默地保衞着孩子們的夢想和希望，使大家可以快樂地成長。其中最俠名遠播的，首推賓尼兔：大兔（曉治積曼）、牙仙子：阿牙（艾娜菲舒亞）、聖誕老人：北佬（艾力寶雲）和沙翁。他們各負異能，英勇不凡。但一天，邪惡化身夜魔（祖迪羅），企圖以強大魔力，強行摧毀世上所有美好的東西，以滿足他的無邊野心！面對夜魔的壓倒性力量，四大奇俠單打獨鬥，都不是他的對手，形勢險峻！無計可施下，四人唯有破天荒聯手；再集結另一強大外援：積雪（基斯派恩）的力量，組成「五星大聯盟」，全力出擊，才有望擊敗「惡貫全球」的可怕夜魔，力保人類的童真與幻想！
不得不佩服夢工場創意及出色既特技水準{:1_351:} ，故事雖然有點老套（童話故事一般係咁嘛），但好耐已無一套咁單純既電影出現。小朋友絕對清楚易明，大朋友更喚醒兒時童真。上次｛史力加｝已玩轉迪士尼經典卡通人物，呢次更大玩一眾傳說精靈，仿如一套童話版｛復仇者聯盟｝{:1_352:} 。一眾守護精靈既力量原來係靠小朋友既信念維持，當小朋友再唔相信守護精靈存在，精靈既力量就會逐漸消失，黑暗勢力就會抬頭。但到最後就憑幾位勇敢既小朋友挺身保護眾精靈，令守護精靈再得以力量打敗黑暗力量，多麼簡單單純呵{:1_258:} 。
當然，一套3D動畫唔止要吸引小朋友，話晒都係要父母大人比錢入場嘛{:1_262:} 。所以夢工場發揮咗一次畫高水準既3D動畫技術黎吸引成年觀眾。因為本片背景設定為冬天，經常可見到漫天雪景係身邊飄盪；沙翁既變戲法係天空用華麗既金沙堆砌；加上追逐場面頗多，流暢既3D畫面令人投入非常{:1_351:} 。全片笑料引發亦不少，資歷最深，法力最高既沙翁，動作表情帶點大細路，又會發小朋友脾氣，雖然唔識講嘢但最為吸引{:1_350:} 。
總括而言，原來一套戲只要簡簡單單，內容訊息明確，畫面亮麗吸引，一家大細開開心心睇完同一套戲並唔係十分難既事{:1_254:} 。
多謝收看
圖文：SonSon
講得咁好，上果時買飛睇先！ {:9_409:} 睇完你個簡評,有啲心動想睇! 睇下有冇介紹錯先!!{:6_193:} {:6_193:} 我留返出BD至睇...{:6_238:} {:6_193:}{:6_193:} {:6_229:}{:6_229:}{:6_193:} ....... {:6_193:}{:6_193:}
頁:
[1]