唉呀..架車冇晒電..
架車舊電池係上年4月先買既.. 免水電..今次係2個星期冇用車就乜電都冇晒...
拎車果時用個 remote 已經冇反應.. 立時心知不妙..
用匙開門, 再插條匙去個starter 到又係乜反應都冇..
撻又撻唔著..乜聲都無....
拿拿林走左去d電池舖問下有冇外勤救車, 老細話外勤都係收多幾十蚊.. 仲可以check 埋係咪架車 charge 唔到電問題
咁又打去問下車房啦, 佢話有可能係電器漏電問題...
咁叫電池舖去換電 check 埋好 定係 搵車房攪好d呢? {:1_247:} 今日真係好火羅... 仲想渣車去車女友食飯架嘛... 攪到要搭的士... {:1_260:} MINT 兄 , 係咪可以搵架的士 , 佢一定有 " 過江龍 ", 搭著架車 再睇睇 , 的士佬應該唔會
收好貴 !!!! 環保電無用嫁!買返普通電啦! 今日真係好火羅... 仲想渣車去車女友食飯架嘛... 攪到要搭的士... {:1_260:}
Mint 發表於 2-6-2009 17:40 http://www.post76.com/discuss/images/common/back.gif唔緊要喇去食餐好嘅，補番數{:1_254:} 宜家d免水電年多d家炸.
多數都係叫電池舖去換電 check 埋.
sunday driver? 你架車係自動波? 我以前最小一星期都去 著下架車~~就算唔出去都嚮停車場轉 2個圈 (不過好少多過5日唔用)。又可以叉下電~又可以行下架車~又唔係用好多油~
叫 taxi 過電約 50蚊 已經有人做~~仲要係佢出過江龍~唔駛你去買~
仲有~ching 試下d燈制有冇問題~我以前試過車尾箱關好門都唔識熄燈~攪到架車成日冇電~最後比車房一check 原來小問題~~(3年車都有e個問題~真係估佢唔到) 其實電池冇電多數係電池老化或個打南磨出左問題,
一般新換電池可以用約兩至三年,以經係星期日用車,
如果日日就可以用多一兩年左右, 我以前都試過突然冇電,
不過唔會完全冇, 只係撻唔着, 仲可以開防盜,同燈等等,
依我經驗好果有返咁上下車齡, 多數係打南磨及供電系統唔穩定所至,
其實你平時可以留意下部車撻車時有冇難撻, 我對上部accord CD5,
成十四年車齡, 都係一拎就着, 唔使'撻撻撻'先着, 但打南磨死前果震,
真係好難撻, 同時落雨開齊所有電器就好明顯發覺跌Watt好緊要,
希望可以比到意見幫到你喇{:6_183:} 以前D師傅教落,臨熄車前踩踩油叉叉電,雖然唔知有無用,但係已經習慣咗~ 以前D師傅教落,臨熄車前踩踩油叉叉電,雖然唔知有無用,但係已經習慣咗~
245141525 發表於 2009-6-2 21:51 http://www.post76.com/discuss/images/common/back.gif
以前'吸必打'車就有用,
原因係想個化油器在熄車前保留小小油尾,
再撻車果時會容易d, 不過依家d車全部都行I,
所以踩唔踩油都冇影響, 應該與叉電無關{:6_182:}