說說利記吧.....
我做左紅軍fans好耐，應該係由道格利殊仲做緊球員兼领隊時期，嗰陣時我記得每星期三黄昏六點半捕喺明珠台睇big league soccer,佢好多時都播紅軍賽事做主菜，但都只係半小時精華其餘半小時則播其他赛事入球片段，個主播係一個阿伯叫做摩亞成日眼濕濕咁樣，仲有唔少得係亞視播既足總盃赛事，懷舊完，我舊時好欣賞紅軍既行水流雲式既行軍，即係而家所謂巴塞式行軍，好悦目又實際，難怪當時横掃歐洲，眼見利記由盛轉衰(即由桑拿士起做領隊起)，夢想一朝會再返盛世，依雲斯時期有一啲憧憬，但奈何後防穿窿，候利亞又將後防前峰分開兩段打咁，有列馬倫呢個利記fans都唔識用要佢坐後備，到後黎既賓sir帶黎左沙比同托利斯，高峯期係攞聯賽第二，近在咫尺既聯賽冠軍又落空，以為翌年有機會點知係沉淪既一年，杜格利殊到任救亡只係振作士氣，買人完全失敗，到羅渣士，其實我覺得佢係一個有料既領隊，睇佢買個後生加強版沙比即係祖阿倫同提升幾個有料既後生仔便知一二，好似STERLING--高速有腳法夠膽色，SUSO---似後生版大衛施華，WISDOM---有腳法身形好而且靈活，仲有借返黎既SAHIN---HOLD波好有洞悉比賽既能力，之前既不濟係因為集訓時間短，球員間未能配合所致，雖知道羅渣士今年將利記既打法回歸返去80年代賴以成名既Tiki Taka踢法，所以需要時間去磨合既，近呢兩三仗，個FORM已開始成形，希望好快就睇到利記大爆發.....{:8_398:} 列馬倫去利物浦時差不多已過高峰，好難靠佢一個打番起隊波！個人覺得賓sir係可以重振利物浦，起碼攞到歐聯，如果當年俾多啲時間佢，佢可能成功！ 賓賓? 已經教左5年啦, 但係我連一個進攻既form都見唔到!{:8_365:}
但係羅渣士只係教左幾個月姐,已經有個form 啦, 我仲見到球隊既將來添{:8_389:} 當年利記對A米場歐聯決賽, 真係令人非常難忘
頁:
[1]