[FW]這就是香港人愛國的結果
http://a6.sphotos.ak.fbcdn.net/hphotos-ak-prn1/551904_340678186026616_1567556586_n.jpg作者：AndroidUser
細個果時(八十年代) 跟阿爸返鄉下, 一袋二袋舊衫日用品帶上去(經典紅白藍). 坐架貨車入村, 0係村口有幾十隻手伸入來在衣袋內左摷右摷搶煙仔. 之後就周遊親戚家中"派錢" (阿爸只是賣牛雜小販). 在老家中吃餐飯都要俾錢, 好似我地唔去佢地就唔開飯咁. 每次離開時兩手空空, 阿爸連身上條牛仔褲都俾人拿Q埋.
過時過節當然要寄錢返去, 間中仲要應付專程來港乞討的叔伯. 佢地係會唔聲唔聲, 到左九龍車站打個電話來話落左黎, 要你接佢去屋企住. 之後就上門去向各香港親戚家中"化緣". 每家每戶都要擺低一千幾百, 唔係趕都唔肯走.
我家住的是公屋, 阿爸收入亦不穩定, 間中還要扮屋企冇人唔交租住. 但上面既"親戚", 時時打長途電話(我方付費)來叫你俾錢佢起屋同做生意. 基本上我沒聽過上面親戚有何正職.
到九十年代左右, 父母再帶舊衫上去, 親戚們說下次不用帶來啦, 村口就有很多衫賣, 你俾錢就得. 可能屋已經起左啦, 佢地拿錢既理由變成"要送仔女入重點學校". 我家幾兄弟姊妹都係讀普通學校, 申請書簿津貼. 我更加係著家姐既N手校服既.
再過幾年, 國內親戚仍會以阿麻做藉口拿錢, 但口氣明顯大了不少. 周圍同人講間屋係自己搏命搵錢起, D仔女入重點學校都係自己努力, 冇親戚幫過手. 來香港要住酒店, 還要各香港親戚去酒店"進見"送錢俾佢. WELL, 我想還會進貢的人應該少了吧?
今天, 他們對香港人"嗤之以鼻", 大約都變成"沒有中央打救你們香港, 完蛋了"那種人吧? 總之佢地講野都好鬼霸氣. 阿爸每次同D親戚傾電話都會勞氣到極. 但錢還是要掏出來的.
以上是我個人對國內親戚的親身感受. 唔關愛唔愛國事, 我唔會覺得以前我地香港人"打救"左佢地. 始終都係親戚, 幫到既咪幫. 但今日佢地對香港既不屑真的令人討厭, 好想同佢地斷絕關係. 可惜, 很難. 這不是愛國結果,是肓目愛親戚的結果, 我覺得香港人愛國, 一半一半啦! {:6_182:}{:6_182:}
[FW]這就是香港人愛國的結果
這不是愛國結果,是肓目愛親戚的結果,是肓目愛親戚的結果 x 2
- 發送自我的 iPhone 大板凳應用 這不是愛國結果,是肓目愛親戚的結果,
taxiseven 發表於 2012-9-14 02:09 http://www.post76.com/discuss/images/common/back.gif
Exactly, 這不是愛國結果,是肓目愛親戚的結果 x 3
個作者真係賴得就鏨賴. {:8_394:}bull shit 很低水平的文章 .... 我細個跟父母返鄉下真係比阿媽塞d錢入鞋底帶上大陸比鄉下既親戚,
當時上大陸帶乜帶幾多錢都要報, 又唔可以帶多過幾多錢,
上火車果時仲要比老豆係火車外面個窗塞入去, 跟著d國內同胞買企位都霸坐位,
鬧爆都唔起身架,要動手動腳先死起身, 每次返去好似打仗。 {:6_126:} 其實同愛唔愛國無關, 但內容就好真實, 以前真係咁!
我宜家都重有親戚受緊呢D｢無錢讀書/無錢醫病｣o既攞錢罪呀... 這不是愛國結果,是肓目愛親戚的結果 x4{:8_365:}{:8_364:}
頁:
[1]