DIY 3.5=>RCA線系列--- Klotz SQ450P/Sommer Goblin/Gotham 11001
小弟間中都有玩DIY...由RCA線到DAC等等都會偶爾整下...原本我淨係用得著RCA線,比我部DAC可以直接輸出去膽耳擴,但係由於小弟一改完部擴ge濾波電容做BC電容之後就出~100Hz ge怪聲仲要右邊大聲過左邊少少{:6_125:} ,係一直都未搞翻好ge情況下,我就去左整3.5=>RCA線駁一部Onkyo ge integrated amp再駁喇叭
眼見就快開學,遲d都未必得閒上post76,所以就決定左出個post評測一下成個暑假整過ge線啦~{:6_182:}
(全部線都係1.6m左右)
(小弟多數聽人聲小品pop...絕小聽交響/大棚野)
好老實講,係我開始學DIY之前,我都只係用一d好普通ge廠線,例如呢條:
呢條係Audio-technica ge線(由友人係日本帶翻嚟,果陣香港好似無咩地方有入)...
無記錯ge話果陣好似用$ @))ge價買翻嚟
其實我都係偷佢同我耳筒同牌子先買
呢條線ge特色就係無咩特色{:6_123:}
佢3頻都好似好平坦......表現中規中矩,平時hea聽都還可以,仔細聽就會發現分析力好普通
人聲都叫做唔錯ge...起碼係暖聲聽起上嚟叫係自然...但係一定唔係上乘ge級數
用數值去計(5分滿分),呢條線:
低頻:3
中頻:3.5
高頻:3
音場:2.5
分析力:2
咁普通ge線聽耐左當然唔會收貨喇!所以就去左DIY線......但係整咩線好呢?
小弟一向都鐘情sommer線ge聲...之前試過佢ge Carbokab 225...佢ge分析力同動態一般都唔夠Gotham咁超班...高音亦無Gotham咁華麗...但係勝在人聲耐聽又好暖聲,又無Gotham 11001果種相對難夾ge尖聲(可能只係我ge器材唔夾,無意得罪各位鐘意Gotham ge ching)
所以成個暑假第一條整ge係Sommer Goblin (Double Run型式) (紅色果條)
(順有一提,我整ge線全部都用上 Oyaide錫,好焊又好聲{:6_193:} )
呢條線雖然係入門級,但係出嚟ge效果完全唔會輸比岩岩介紹ge果條廠線,聽一d人聲為主ge歌甚至可以贏到半級添
佢ge取向主要以中頻為主...高低延伸果d...就算啦{:6_194:}
但係信息量已經好過廠線好多好多
成本仲講緊都只係$ !%)...仲平過廠線小小
所以DIY真係好抵!!!
低頻:3.5
中頻:4
高頻:3
音場:3
分析力:3
點解我上面會話Gotham 11001 d聲比較尖唔夾我套野?因為我真係整過一條11001 ge線體驗過(見上圖右邊...手工好差果條{:6_123:} )
爬過唔少文ge相信都會聽過"11001動態超好"又或者"分析力超勁"ge講法
為左體驗一下呢種超勁ge分析力...我試做左一條
發現人聲收左好多...成個中頻好似收薄左同淡左咁{:6_125:}
但係樂器聲就好sharp好勁...d聲出得好爽唔會拖泥帶水...相當快聲,有速度感
無論係信息量定係分析力都真係頂級
高音仲好華麗.....閃閃生輝咁ge感覺
音場ge深度都極好...但係個闊度就有少少奇怪(?)
似係一間比較細但係好長ge房聽歌(我嚴重木耳?{:6_126:} )
成條線用cap嚟比喻...我覺得似Multicap RTX系列ge音色
低頻:4.5
中頻:3.5
高頻:5
音場:4
分析力:5
最後一條係香港嚟講相當冷門ge線--Klotz SQ450P
(呢條線暫時係小弟手工最好ge一條線{:6_122:} )
呢條線我係深水埗同旺角都未曾見過...甚至小弟都係比觀塘某店ge人介紹...半信半疑ge情況下先開始試用(果次本來想買Mogami 2534)
呢條線買果陣大概要$%蚊一尺...話平唔平話貴又唔算好貴...(話晒只係同Oyaide PA-02差%蚊...但係無數個ching都話佢人聲正)
咁岩我準備做呢條線ge時候訂farnell野...所以訂埋做工(睇落)唔錯ge Amphenol RCA頭
呢條線我後嚟係外國ge forum search過...
見到條線有好多好正面ge評價...
意思大概係咩"用左18年都無壞過"..."音質比mogami starquad好"果類
後嚟試做......一插機開聲果下......
我只有一個表情:
{:6_121:}
點解咁拆聲ge......??
點解無咩分析力ge......??(好矛盾ge係...一開聲果陣條線ge信息量超高(可能同Gotham有得揮)..但係成堆音訊扔埋去隻耳仔...無分類咁...唔知點講{:6_123:} )
咁平坦無特別ge...??
果陣真係有少少後悔...點解唔加少少錢試玩Oyaide PA-02呢...{:6_125:}
後嚟經過20個鐘表現反覆ge run-in...
咦...?
比人換左線?{:6_141:}
最令人意外ge係人聲...d偏暖ge人聲終於出翻嚟...
而且人聲比Gotham有味道...尾音亦相對長dd
分析力都終於正常左...由混亂ge音訊變成可以聽入耳ge音樂
成條線係平均而偏少少中+低
有相當ge能量感同氣勢
雖然高音比較收斂同減弱左少少...同埋動感都輸左比Gotham (我成日都覺得用Gotham個高音好似將交連電容換做Jensen咁華麗)
但係中低頻就厚聲唔少.......音色用耳機嚟比喻似係Sennheiser ge取向(但係再平均dd)
相對嚟講比較岩我ge口味...
低頻ge下潛都稍為不及Gotham...但係好實...量感就比較多
分析力正常化之後都係比唔上Gotham...但係都係中上
而呢條線ge音場就比較集中.......算係比較明顯ge缺點(特別係聽live錄音碟)
低頻:4.5
中頻:4~4.5
高頻:4
音場:3.5
分析力:4~4.5(只計信息量大概有5)
試完條線我覺得可以咁講...
如果你想聚精會神聽歌...隨快歌打拍子...或者想淡口味d...揀Gotham 11001實無錯
如果想輕輕鬆鬆聽人聲小品......聽慢歌比較多...揀翻sommer/klotz SQ450P(比較冷門...聽感唔一定同我一樣)我覺得效果會唔錯
(第一次出report就出長文,唔好意思{:6_123:} )
(幫新手加下分都得掛XD{:6_128:} ) 謝謝咁用心的分享！{:6_193:} 回復 2# moliu
多謝ching加分{:6_128:}
其實都係我比較主觀ge睇法姐xd 補翻d出唔到ge圖先:
三線合照:
Amphenol RCA頭:
頁:
[1]