蝙蝠俠夜神起義
蝙蝠俠不是蝙蝠俠，無關鍵作用，成部戲無左佢都無所謂，歹角沒有氣勢，完全唔覺好有頭腦、力量想描寫人物性格又完全無感覺，無共鳴。但節奏緊湊，唔當係蝙蝠俠都可以消磨時間，買碟？no way 影評兩隻字唔該收番埋{:1_336:} 影評兩隻字唔該收番埋domocrazy 發表於 2012-8-4 14:52 http://www.post76.com/discuss/images/common/back.gif
"有感" 好似啱啲... 這就是我對呢套電影的評價，不太懂兩位師兄的意思呢。如果再與前兩集比，更差，第一集描寫蝙蝠俠本人內心、第二集小丑的瘋狂，雖然笑臉但令人不寒而慄加上足智多謀，相反呢集又唔覺歹角有乜犀利，個樣又唔兇，想講蝙蝠俠爬返起身，但又俾唔到共鳴同埋帶頭作用帶領警察反抗，相反只覺得佢係反抗軍中無啦啦出位+多餘，與其話歹角令全市或政府束手無策，倒不如說個政府無能，點會咁輕易中計，仲要係中左個空城計的屎穚。反之第二集小丑計謀講得通+令人感到進退兩難。 還想跟大家討論一下，今集俾人兩頭唔到岸的感覺，想描寫每個人但全部得面果層，貓女的亦正亦邪？三言兩語交待唔到，蝙蝠俠的失落？又唔係好覺，反而俾人覺得佢應該告老還鄉，無關重要。與前二集描寫人物出色，真是跌晒watt, 第一集，貪污成風，不能依靠警察，蝙蝠俠的出現正好成為榜樣，令賊人有所畏懼，第二集大家對小丑束手無策，基於法律，國與國的問題，行正路唔得，唯有寄望蝙蝠俠行偏路攪掂佢。今集，不是任何人也可以攪掂歹角？絕對可以動用軍隊而不是蝙蝠俠呢，我想還是太貪心，導致幾頭唔到岸吧，說貓女不成，說蝙蝠俠重新掘起又不行，歹角造型一開始已經不行，更遑論描寫過什麼？愛之深恨之切，劇情也是牽強，犯駁十分多 唔係多犯駁, 我覺得你係過份挑骨頭.......
貓女....可能導演唔想講佢咁多, 著重返去BATMAN角色, 所以好小講佢地既感情戲.
出唔到軍隊, 因為一過橋就會引爆, 跟住一鑊熟晒.
BATMAN意思唔係要所向無敵, 只係有時公義既野係可能由另一個層面黎表現, 結尾亦將堀起既意思講左出黎, BATMAN既深層意義响大家心中已經足夠, 接住有新既人接力.... 說實話你所講的，電影中都有講，但講和說服人是兩口子的事呢，今集很多時講到明俾你聽佢想講乜，但之前兩集有好多時是唔駛講而經明。。。。這樣高低立見，你認同嗎？難道要同你講小丑有幾惡你先識驚嗎？
每個人對每件事的觀感不同，舉例阿凡達俾人抬到天咁高，但事實上故事性不是只是一般嗎？如果對其他意見看在眼裹只是雞蛋裹挑骨頭，這樣討論可以終止了，多謝 Ching嘅影評令我唸起之前葉念琛都發表過類似嘅評論。商業電影出現犯駁位唔出奇，個人覺得TDKR嘅犯駁位本身唔多，只係相比前兩集稍多。如果要解釋的話，可能因為今次Nolan兄弟係先唸結局再構思前面嘅劇情發展，所以多咗漏洞都唔奇。不過我覺得作為三部曲最終章，尤其佢係一部漫畫改編電影，要唸個結局出黎完咗佢難度並非一般高。哩度講緊係「完結」，而非好似蜘蛛俠3果種。
Christopher Nolan嘅batman三部曲分開三個部份，”Begins”,”Falls”,”Rises”。如果今集個主題係(Rises)的話，整部電影已經完成任務。我當Nolan想再「威多次」，集中描寫Bruce Wayne嘅心理部份，咁會同第一集撞車，如果又搬一個智慧型罪犯出黎，咁又未必超越倒TDK。咁索性拎20億港銀去拍一部緊張刺激嘅商業片去完咗成個故事算。不論出黎嘅效果係點樣，都係明智之舉，電影本身精彩亦都冇咩異議。
如果CHING嘅意思係指哩一集係三集入面最差，我會認同。但如果你意思係佢故事相比起首兩集簡單而高下立見，咁首先我地要承認嘅係今集兩個主要反派嘅出場動機的確係比前兩部黎得冇咁複雜。而前兩集嘅敵人全部都有各自嘅象徵意義係度，從而支撐劇情發展的。喺《Batman Begins》入面，反派有稻草人同忍者大師。前者代表Bruce嘅「恐懼」心理，後者則代表Bruce嘅「復仇」心理。兩者出場實際上係對電影前部份Bruce自以為克服咗之心理障礙嘅一個考驗同埋補完黎。
到咗《The Dark Knight》，反派有Harvey Dent及Joker。兩人作用係揭示咗batman不論作為一個symbol定還是一個普通人嘅弱點。前者係高譚市見得光嘅罪惡克星，令Bruce感受自己嘅局限及萌生退意。後者以無辜市民作為武器，將高譚市人對batman嘅懷疑轉為仇恨，令Bruce難以忍受，更因為感情支柱同精神上嘅寄望都被Joker玩死，最後以消極嘅方式結束batman傳奇。當然Joker嘅演出本身就已經係電影嘅亮點。
而《The Dark Knight Rises》，老實講，兩個反派 — 貓女同Bane基本上就係為咗令Bruce出山而設，出咗山之後，佢地嘅作用已經變返做普通嘅敵人及盟友角色。所以除咗針對《Rises》哩個主題之外，同前兩部相比實在冇太多野可以講。Bane本身帶著反社會反階級嘅觀念出現，但最後就比Talia哩個角色毀哂佢之前嘅霸氣同個性。另外我地又可以話貓女係作為Bruce離開哥譚市，開始自己另一人生階段嘅伏線黎。但基於貓女本身嘅出場時間同Talia嘅出現都難免令觀眾去質疑Bruce嘅感情合理性。我唸Nolan兄弟將貓女加入黎可能純粹係因為Batman: Year One，但Talia嘅定位真係令本人O咀。而Robin嘅出現亦容易令人混淆。可見編導對故事嘅考慮唔係咁充足，除此之外我只可以話佢係一部好電影。 你個TOPIC係影評, 但你只係一面倒咁講到一文不值, 唔係話要只讚無彈, 但你應該搞清楚影評係點解先會好D....
我既睇法係佢想將第1集既野重新帶小小講返出黎, 我自問對第1集印象真係不大, 佢一講就令到我明白多左, 呢點當睇完之後重組返就會明白.
奸角都分外觀同內心兩回事, 小丑既外觀好直接話俾你知佢係奸既, 你GET到唔駛講係正確既, 但唔可以排除對電影唔多睇既人會唔明白.....
影評係唔駛人認同既, 只要將自己既評論打出就得架LA, 不過你講到咁, 除左唔似係影評之餘, 更加唔似係討論, 因為你已經判定左係THE WORST, 咁仲有咩好討論呢.
你都話CLOSE左呢個POST我都覺得好合理, 麻煩晒版本做野. THX. 肥狗仔兄，你說得有你的道理，或許是因為帶著什麼心情入去睇，縱觀整套戲，打鬥同大場面真係少之又少，睇頭已經少左，加上個人認為描寫人物太過輕輕帶過，但認同你的觀點，蝙蝠俠出場後歹角便變得不重要，所以比前兩集比下去，呢個做收尾確實已經比其他系列電影好，起碼唔係爛尾，同埋一路看都唔會有「完未呀」的感覺，節奏算爽同快，或許真的快得滯，如果描述多的歹角點同蝙蝠俠鬥，又點反敗為性就唔會俾人覺得用特種部隊潛入已足夠呢，始終一句話會引爆炸彈好難令人信服，試想想北韓都成日話射核彈，最少警方都唔會因為匪徒協持人質而就範，因此我認為劇情薄弱、描述人物不足，唯節奏尚算輕快呢
頁:
[1]
2