妖夜尋狼前傳之狼神誕生....J J 小評
知道underworld佢上前傳時都幾期待，但當知佢換左女主角後當堂興趣減半，再加上影評好壞參半，所以都無預算入場睇，出碟後見近期無乜特別戲好睇，即管借黎look look！睇完覺得唔可以叫好好睇，但總算睇得過，起馬比我想像中好，整套戲亦都算有追看性，睇過之前果兩集既朋友應該會更加投入同認識裡面既角色，因為個個都熟口熟面，睇完後你會更加了解狼人同殭屍既仇恨始末。
女主角個造型使唔使咁似之前阿Kate呢，其實都幾無謂，唔知係咪想解釋翻Viktor點解會放過兼收養姬蒂做手下，可能就係因為似佢呢集個囡，不過始終係兩個角色嘛，搞到咁似咪盞令人比較，講真~~無得比，姬蒂靚好多。今次狼人既化妝同電腦特技亦都係無乜驚喜，觀能剌激感覺一般。(個囡同老細就覺得幾血腥喎)
結總：頭兩集既成功令到我始終都有d興趣睇呢套前傳，好彩唔算太爛，始終前傳點都令人有情義結睇埋佢既。
PS: 最後臨完場都剪條姬蒂個靚樣片段你睇睇，當你睇返underworld，就知道其實係一開場果part剪出黎啦！ 其實第一集狼神死果時已經講左victor係殺佢全家既兇手,因為覺得佢令佢想起佢個女先冇殺佢.
呢一集既內容其實嚮第一集已經講哂. 而家只係睇佢拍成點.
其實整個系列內容都好充實.
人王有不死能力,兩個仔一個比狼咬一個比蝙蝠咬. marcus入左victor陣型,william變左狼變唔返人,再開條狼神系既lycan類.到現代既男主角有人王血統混合人狼蝙幅變成最強怪獸,真係非常精彩. 1,2好睇D {:6_193:}
頁:
[1]