生不逢時，比蝙蝠打死
stanleykc13 發表於 2012-7-26 14:02 http://www.post76.com/discuss/images/common/back.gif
如果唔係安排同一檔期上映！冇A/B 比較嘅話！相信唔會輸得咁慘烈 {:6_216:}
回復 191# circleli
其實朱朱俠唔係差...只係無蝙蝠仔咁有深度....
而且我覺得用番第一集比較會好d, 不過都係蝙蝠仔高一籌{:6_193:}
新猪猪盒我都有去睇, 故仔同舊的個套真係冇乜唔同, 一個大同小異的故仔, 係畫面上要有好大的突破都講得過去, 但偏偏又唔係.
於是新個套, 對我黎講係冇乜吸引力~ 唯一好少少的係女主角啦, 上次個位實在太重口味了.
蝙蝠俠個故仔, 三套都連貫得姆好, 已經冇野講了.
雖然第一,二集主角都冇乜印象, 但第三集就唔同了, 造型同美貌並重, 真有一次過返本的感覺.
回復circleli
其實朱朱俠唔係差...只係無蝙蝠仔咁有深度....
而且我覺得用番第一集比較會好d, 不過都 ...
RiceR9 發表於 2012-7-26 14:30 http://www.post76.com/discuss/images/common/back.gif
咁比較就一定係！不過枝枝盒我都會搵碟睇嘅 {:6_128:}
生不逢時，比蝙蝠打死
stanleykc13 發表於 2012-7-26 14:02 http://www.post76.com/discuss/images/common/back.gif
我就覺得"生不逢時"只是被打死的藉口, 跟本蜘蛛俠之前的三部曲已經ok, 而且reboot第一集, 但又跟本反而唔夠之前的第一集的人物描寫咁有深度, 對叫人入場睇的吸引性已經唔夠.
或者好似師兄咁講, 新一套只係好在個女主角, 是戲本身的問題
本帖最後由 mike384 於 2012-7-27 12:07 編輯
我就覺得"生不逢時"只是被打死的藉口, 跟本蜘蛛俠之前的三部曲已經ok, 而且reboot第一集, 但又跟本反而唔 ...
cyber_look 發表於 2012-7-27 01:31 http://www.post76.com/discuss/images/common/back.gif
係lor, 冇賣點又點樣賣座?? 女主角好dd的原因, 只係上三集個位實在太重口味(當然佢都有影迷, 各花入各眼啦, 但應該唔會有好多人會話今集蝙蝠俠個猫女唔靚啩)
豬豬盒咁炒冷飯法.......凈係加強左特技效果同將個豬扒女角換個正常少少既 (同貓女都仲差d)
唔駛pat pat 俠出手都無咩吸引力啦
小弟對TDKR之愚見：
http://moviekevin.blogspot.hk/2012/07/movie-review-dark-knight-rises.html
大家交流下~
本帖最後由 @肥狗仔@ 於 2012-7-27 23:47 編輯
哩兩日抽起條筋睇返1﹑2集，打少少感想。雖然Christopher Nolan唔係一次過寫哂三集故事，但每集背後意思嘅關連性同完整性都做得十分出色。先唔好將佢當成一部漫畫英雄改編電影，Christopher Nolan嘅batman系列所圍繞嘅喺一個叫Bruce Wayne嘅普通人建立"BATMAN"哩個symbol嘅故事。同三部曲宣傳海報一樣分為三部份:
1. Begins
無論漫畫還是電影，這一幕都是一切的開端。
《Batman Begins》係個人最喜歡嘅一集。哩部作品整合Bruce Wayne心理及batman誕生嘅部份，講述Bruce Wayne由一個父母被殺嘅不幸兒童，為打擊罪惡而一步一步去建立一個，象徵罪惡克星的標誌 —“batman”。其中漫畫上面冇特別描寫嘅Bruce Wayne 7年修行喺本片入面加以補完(fans大愛)，Bruce Wayne嘅內心戲 — 特別係Bruce面對「仇恨」及「恐懼」嘅心理描寫都有充分交代。還有batman車同蝙蝠支援出場。雖然個人對導演搵Ra's過橋有點不滿，但考慮到情節上嘅合理性及整體效果，仍然欣賞Christopher喺電影入面所作出嘅各種改動。對比返以往幾個導演所拍出黎嘅果堆差少少就比美日本特攝嘅商業爛片，《Batman Begins》黎得更現實更有吸引力。更重要係本片為第一部當劇情片拍嘅漫畫英雄改編電影，如果哩部又衰咗的話，以後都未必再有batman電影了。
2. Falls
話TDK係batman版《The Prestige》並唔誇張。但一個joker已經令成部戲提升一個層次。
《The Dark Knight》記得當年去戲院睇完之後，精彩程度令人眼突。內容豐富，劇情又緊湊。相對上一部，今集繼續向「現實」方面發展，之前天馬行空嘅Wayne鐵路及蝙蝠都冇再出現，反而進一步探討自”batman”出現後，社會所出現嘅各種變化，仲有Bruce Wayne背腹受敵，最終導至其辛苦建立嘅”batman”symbol毀於一旦。還有一d人性及各種價值觀等。但感覺上將如此多而緊湊嘅內容放喺一部兩個半鐘嘅「短片」入面明顯有點力不從心，而且女主角換左人，先不論承接問題，自問覺得靜佬湯前妻雖然冇荷里活一線女星嘅氣質，但至少演活左一個大眾口面嘅堅強女性。而TDK哩個Rachel…相比Harvey Dent，搵佢做two face可能更有說服力。平時一面冰雪聰明嘅樣都仲頂得順，但醜起出黎真係成個阿婆咁款。當然瑕不掩瑜，少少問題係阻止唔倒本片成為系列入面最精彩嘅一集。特別係中間段IMAX追車情節及joker嘅演出確會叫人愛上哩部電影。
3. Rises
老管家Alfred為Bruce Wayne擔心咗十幾年，如今終於可以安享晚年了。
“The night is darkest just before the dawn… and I promise you, the dawn is coming.”
《The Dark Knight Rises》，基於Harvey Dent嘅一句說話，再加上如此露骨嘅戲名，TDKR順理成章講到Bruce Wayne成功建立“batman” symbol嘅認受性。對於出戲本身，經過前兩部作品，佢冇《Batman Begins》果種前傳式故事，亦唔似《The Dark Knight》咁有joker撐場。睇頭明顯唔夠，哩點睇之前已經預咗，而縱使戲入面有講到Bane各種反社會及一D社會貧富懸殊問題，實際上只係冇第一集忍者大師咁宏觀同直接而已，玩到最後一樣要毀滅高譚市。可本片仍然保持水準，一開始劫機果段已經黎咗個少高潮。作為一個三部曲結局，哩個係非常難得嘅，我睇果場完場時更幾乎全場拍手，睇戲咁耐如此共嗚前所未見，對上果次都係睇TDK，陳老師出場兩秒所引起全場爆笑而已。當然作為batman fans個人唔覺得非要比robin喺最後幾分鐘「出場」不可，但都必須承認Christopher對結局嘅處理算得上叫人滿意 — 「Bruce Wayne走了，但”Batman”仍然會延續落去…」簡而精地將整個系列畫上句號。
Christopher Nolan嘅batman三部曲絕對成為咗同類電影嘅極致。導演充分利用漫畫入面，batman嘅心理變化及各賦個性及象徵意義嘅人物黎重新鋪排一個史詩式系列大作。
哩兩日抽起條筋睇返1﹑2集，打少少感想。雖然Christopher Nolan唔係一次過寫哂三集故事，但每集背後意思嘅 ...
@肥狗仔@ 發表於 2012-7-27 11:41 PM http://www.post76.com/discuss/images/common/back.gif
而TDK哩個Rachel…相比Harvey Dent，搵佢做two face可能更有說服力。平時一面冰雪聰明嘅樣都仲頂得順，但醜起出黎真係成個阿婆咁款。極度同意{:6_192:}
