蟲蟲小貼士
本來係諗住覆條老兄:http://www.post76.com/discuss/redirect.php?goto=findpost&ptid=119433&pid=1888013
不過打咗咁多字, 唔開返個post講吓好似對自己唔住....{:9_404:} 以下係一位同小弟好有關係既香港滅蟲專家多年嚟講比小弟知既, 希望幫到大家~~!! {:9_426:}
蟑螂 - 德國小蠊
http://baike.baidu.com/view/301217.htm
好多人以為細小強係大小強既幼蟲, 其實根本係2種生物, 德國小蠊主要喺屋企繁殖, 以屋企食物, 書本報紙等等為生, 鍾意喺櫃邊, 雪櫃後, 垃圾桶底, 一啲又暖又小小濕又黑既地方做屋企, 基本上只要屋企有啲殘留食物污濁等等佢都會出現, 可能係跟住你喺街外拎返嚟報紙書本食物膠袋等等返嚟, 一經駐紮, 都幾難令佢滅絕. 如有發現, 第一樣嘢就係要保持屋企乾爽乾淨, 唔可以有任何食物殘餘物, 買一啲小強屋或小強毒餌, 小強屋可放喺雪櫃底, 垃圾桶底, 一啲較近食物及陰暗既地方, 主要係用嚟貼實佢; 小強毒餌可以令佢食完帶返屋企滅族. 不過因為蟲蛋具有極強保護而佢生產得實在強勁(炸彈都搞佢唔掂), 基本上單靠自己去滅絕佢係比較難. 如早發現希望可以用小強毒餌搞掂, 如已經長期有就應該搵一啲滅蟲公司搞掂, 因為佢地有一啲藥係可以引佢地滅絕.
蟑螂 - 美洲大蠊
http://baike.baidu.com/view/214982.htm
基本上見到大強, 諗都唔使諗就係即係踩死佢, 其實佢係唔會住喺你屋企, 佢主要係喺水管渠道做屋企. 有時你見佢喺你屋企, 只有一個可能性, 就係佢根本就係行錯路入錯屋~! 平時佢會喺你見唔到既地方搵食, 只有天氣太熱或者落雨佢就被迫走出嚟, 行雷閃電會令佢發癲周圍走, 因為佢無眼只係靠觸鬚感應, 天氣唔好令佢感應唔到去邊, 所以先走出嚟比你見到, 飛既通常都係痴咗, 唔係因為佢要生蛋定乜, 總之見佢喺屋企要即時毀滅佢, 因為佢根本就係無定向周圍走. 另外, 市面上買到既殺蟲水根本就係不能殺死佢, 只可以"浸"死佢, 所以可以慳返.
蟻
屋企經常見到既黃絲蟻, 有食物就會有佢, 鍾意喺屋企牆邊有小洞既地方做屋企, 佢基本上永遠都係行同一條路搵食, 如果發現佢, 只要放少少糖喺曾經見到佢行過既地方, 等佢5-10分鐘佢就會一行行咁行出嚟, 你跟住佢行出嚟既源頭去搵佢屋企, 可向小洞灌水浸死佢地, 然後將小洞封死就搞掂, 好方便. 或者喺佢行既路上面放蟻屋都得, 等佢食完返去滅族.
塵蟎
基本上有生物就有佢, 因為佢係喺你床, sofa, 地毯等等有cotton既地方居住. 我又無乜見過可以完全滅絕既方法, 如無影響屋企就由佢, 如有小朋友想搞就可以放"炸彈", 不過佢啲蛋蛋係唔可以用"炸彈"毒死, 所以放"炸彈"只係殺成蟲, 等過一排又出現, 又要再炸過....
蚊
係人都知蚊係要有水先出現, 咁就要睇吓屋企有無積水啦, 如果住郊外既, 一到黃昏就應該唔好開窗, 因為蚊係主力黃昏出動. 住村屋既蚊網真係唔少得, 如果想少啲蚊光顧屋企, 可以喺門口窗邊放蚊香, 蚊香比任何乜鬼趕蚊用品更平更有效. 滅蟲公司都會有一啲用gas或者電既滅蚊燈, 不過佢功能係吸引啲蚊過去電死佢, 所以你無啦啦放一部喺屋企, 即係叫啲蚊嚟光顧你.
蜜蜂
正常係無害既, 不過如果你住村屋而屋企附近有而覺得好煩, 只有搵滅蟲公司, 佢有一種藥可以一噴就即死, 不過唔係阻住你就唔好搞喇, national geographic都話蜜蜂就嚟滅絕...
白蟻
如發現屋企啲木無啦啦蛀咗, 都好可能係白蟻入侵, 唔使諗, 搬~~!!
四腳蛇
好多朋友唔知點解會咁驚四腳蛇, 其實有四腳蛇即係你屋企有蟲, 佢係幫你手滅蟲, 所以唔好打死佢好啲. 基本上四腳蛇唔係蟲, 滅蟲公司通常都唔搞, 亦都無得搞. 只要屋企無蟲, 就唔會有四腳蛇, 係咁簡單.
老鼠
屋企有老鼠真係超慘, 唔使諗一定要搵滅蟲公司搞, 因為老鼠係極之聰明既動物, 就算係滅蟲公司都未必有百分百可以搞掂, 要長時間了解佢生活習慣去搞, 好煩.
總有好多蟲真係講唔晒, 講住咁多先, 希望幫到大家~~!! {:9_408:} 真係好憎蟻{:6_164:} 真係好憎蚊!!!!!{:6_199:} 捉虫專家...{:9_407:} 回復 3# fungl
你屋企應該唔多啦！{:9_431:} 真係好憎蟻
stanleykc13 發表於 2012-6-2 12:10 http://m.post76.com/discuss/images/common/back.gif
蟻應該算係最易搞，你照我方法試試，我老家搞完到宜家3-4年都無喇！{:9_421:} 本帖最後由 stanleykc13 於 2012-6-2 16:17 編輯
蟻應該算係最易搞，你照我方法試試，我老家搞完到宜家3-4年都無喇！ ...
ykluk 發表於 2012-6-2 15:14 http://www.post76.com/discuss/images/common/back.gif
我試過，最終裁定啲蟻喺出面走入嚟{:9_418:} 年年熱天都有無限隊軍隊，好彩今年仲未有 我家上個月洗面盆枱面有跳蟲(<1mm long)出現, 生命力超強, 用殺蟲劑都攪唔掂, 搞到連天花牆角都有, 最後用Biokill("全效"個隻), 呢幾日D跳蟲終於消失了.
頁:
[1]