日本重型災難片《252求生訊號》-小評
本帖最後由 Ken704 於 2009-7-21 09:45 編輯本片以《海猿》日本漫畫作家小森陽一的著名作品改編而成；而電影是日本與美國(華納)兩方共同合製。這能否彰顯本片在人物角色達致「日式」的細膩；災難特效則到達荷里活的級數？
(香港版預告)
<object width="425" height="344"><param name="movie" value="http://www.youtube.com/v/9IzP7uGqNgM&hl=zh_TW&fs=1"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/9IzP7uGqNgM&hl=zh_TW&fs=1" type="application/x-shockwave-flash" allowscriptaccess="always" allowfullscreen="true" width="425" height="344"></embed></object>
更多介紹：
http://www.facebook.com/note.php?saved&&suggest¬e_id=95257369017&id=18679332646 有d期待播！ 好耐無看過災難片啦.
如果真是做到「日式」的細膩；達荷里活的級數
就真是正!!!{:6_193:}
期待! 呢套好早之前喺明周都有報導過，片段個浪真係好有 "明日之後" 個feel，再加上 "龍出生天" 自我犠牲式劇情，斷估都應該好睇過 "日本沉悶" 吧！！！ 好似明日之後.... x 2
有d期待播！
lkljason 發表於 2009-4-25 16:00 http://www.post76.com/discuss/images/common/back.gif 已經訂左日版，
不過5/21先出！
本帖最後由 Terence 於 2009-5-23 17:48 編輯
尋日朝早收到，啱啱睇完，BD50，
日語TrueHD 5.1，只得日文字幕，
成齣戲特技唔太多，同"明日之後"差好遠，
前半段有少少拖長黎做o既感覺，
不過尾後半小時真係做得幾感人，唔錯，
不過係日式細膩，未必啱普羅大眾！
本帖最後由 劉一舟 於 2009-6-14 02:44 編輯
應由觀眾發出的《２５２求生訊號》
(內容涉及劇情)
星期五和朋友走咗去奧海城百記睇夜場，134分鐘片長心諗都幾大獲，但若套片好睇都應該唔難捱過，怎知此套日本災難片不是可以容易捱過的那類。
我心目中日本這個國家，除咗是旅遊勝地外，由於地理和政治問題，加上二次大戰後的戰敗國身分，令到每個日本人都有著認為自己民族是被欺侮的一群，漸漸地令到每個日本人都有著自大、為國家民族社會團結和自我犧牲的偉大思想所薰陶，這種思想除咗喺日常生活表現出來外，喺電影亦時常發生，所以災難片喺日本有一定的支持度和叫座力；但每部災難片中都不約而同地都出現了好像指定的劇情一樣，可能日本人自己睇番唔多覺，但外國人如我們般就會可能吃不消。以上情況在本片亦不難找到，全片頗多的劇情真係給我感覺是拖長嚟做，水淹城巿雖難以用《明日之後》這些高檔次的特技片來相提比論，但已經算是不錯，短短數分鐘的特效我覺得已算向一心來觀此片的觀眾有所交待，技術不能青出於藍，唯有在實景中埋手，所以片中的數個災難實景都係不錯，尤以水淹地鐵那場，加上人群七倒八叠的跌倒，出來的效果都幾真實，但如我之前所述，此片的致命傷就是老土婆媽的對白和劇情，百三分鐘的故事，我想其實可以用一個半小時的時間就可以完成；時間在此片中應該是最寶貴和最急切爭取的，這才能使觀眾更加投入和為戲中人物擔心，但這應該出現的電影手法卻沒有在本片出現，有兩段我真係看完即刻小咗出嚟，第一段就係話男主角大哥要求上頭給他們約一個小時時間去營救被困在地底的弟弟，但大家喺度爭拗同埋例牌式的發揚日本精神對白，呢度都拖咗成十幾廿分鐘啦，吹脹之一，另外，又話拯救隊伍要在風眼離開的十八分鐘內炸地洞救男主角等人，救到最後得番男主角兩兄弟和一名隊員時剩低的時間已經無多，但三條友仔竟然喺下邊包紮傷口兼吹水仲唔捨得上嚟，跟住個洞梗係冧咗活埋佢地啦，吹賬之二，本來呢啲劇情應該好感人，但拍出來的時間觀念完全崩潰，我和朋友睇到呢度都笑咗出嚟，仲話佢地不如食煙操下啤至上嚟啦吖笨，直情係覺得佢地被活埋係抵Q死，相信當晚和我一起看的觀眾亦有同感，其他劇情都差唔多千篇一律拖長嚟吊命，有啲鏡頭仲要係只需六七個shot就攪掂，但導演偏偏好似要賣弄拍攝技巧般slow motion兼多舊魚般加上頗多可以剪走的鏡頭，令到套片的節奏冗長兼沉悶；演員方面，伊藤英明等人的演出有如其前作《海猿》系列般賣力，山田孝之做那個大咖喱醫生只是多一個星而已，不過做伊藤的啞女兒則演得不錯，最後她呼叫爸爸那場頗令人感動，不過儘管如此，連《日本沉沒》我都覺得好睇過呢套就知幾大獲，所以觀眾要在兩個多小時去看完，真係要學戲中的男主角一樣，發出252這個求生訊號去搵人打救了！！！
我會給此片62分 (100分為滿分) 因為我之前睇過"日本陸沉", 睇完我都陸沉埋; 今次諗住再俾多次機會日本災難片, 睇完師兄既評價, 最後得出兩個字~~~~~~~~~慳返!!!!!!!!!!!!
多謝師兄影評{:1_347:}{:1_347:}{:1_347:}
頁:
[1]
2