近期數套電影小評：(含內容)
本帖最後由 lkljason 於 2012-5-24 14:27 編輯80 分鐘死亡直播之變種屍新娘 REC 3
第一集戲院口碑唔錯，第二集戲院無上直接出影碟，兩集都 "無緣" 睇過，到第三集本身都無留意，但睇完故事大綱興趣大增，因為以喪C為題材，加上睇過 Trailer 知道係以婚禮作開端，o係大家都慶高彩烈時間忽然有賓客變種瘋狂咬人，聽落真係幾過引，好多影評都話佢呢集無晒頭兩集手提機拍攝既風格，但個人黎講真係唔太鐘意呢種拍攝手法，睇完多數要o拍兩粒暈浪丸或者預備個嘔吐袋，所以對我黎講呢集當新片咁睇就最好不過勒。套戲可能想轉型cult片風格，所以當中有唔小搞笑成份，片長略嫌短左d，尚好冷場唔算多，雖然套片列為3級，但對我呢d浸淫左咁多套 "佐治·A·雷美奧" 既喪C電影既人黎講，呢套既恐怖同核突程度真係屬小兒科，結尾認同比較草率左，我都明佢係想表達個男主角係幾愛個女主角，但如果加長dd男女主角點樣打喪C逃離結婚會場應該會仲好睇d，不過可能要就翻個戲名，再長就唔止80分鐘掛。
總結：比我預期中差左d，如果鐘意睇恐怖片又可能覺得佢到喉唔到肺，當至死不喻既愛情片又無乜感動位，可能要當cult片喪C片睇至會覺得唔錯！不過不失啦！
爭女特務王 This Means War
睇個戲名或者poster都應該大約估到套戲講d乜，係講兩個男主角心儀同一個女主角，當中爭女過程會用左d非常手段，從而引發一連串既笑料，最後因為有共同敵人令到兩個男主角冰釋前嫌合作打退壞人，除左劇情公式到不得了，壞人亦弱雞到你唔信，令到動作場面一d緊張感都無，尚好兩個男主角吸引，不過我覺得如果換過個女主角可能會比較有睇頭d，呢d戲睇完翻睇機會不大，建議租黎睇過就算。
再說一次我願意 The Vow
以真人真事黎改篇既電影通常都係比較平淡，因為現實生活又點會咁意想不到或者戲劇性丫，所以唔好期望套戲高潮疊起或者有出人意表既劇情，好在男女主角演譯自然舒服。故事係講男主角未婚妻因為一次意外忘記左同男主角既認識片段，未婚妻對自己既冷淡，未婚妻舊情人既挑釁，戲裡面感受到男主角因為呢件事情係幾咁痛苦，男主角唯有用真誠再次感動女主角，故事簡單直接無花巧。唯一比較戲劇性係女主角未意外前其實佢爸爸竟然同女主角既朋友有染，女主角當時大受打擊，所以性格大變，由原本既喜好、職業完全改變，甚至乎同屋企人關系決裂，當然女主角因為意外都忘記左呢件事情，最後除左解決到女主角同屋企人既關系外，結尾唔使我多講大家都應該估到係點掛！
總結：鍾意睇愛情片既朋友可以一看！
爛賭夫鬥爛賭妻 Mr. & Mrs. Gambler
唉~~~睇Trailer時原來已經係最精彩既部份，所以當睇呢套戲既時候好唔容易至頂得晒成齣戲，相信如果唔係拍得咁胡鬧，唔係有溫超呢d演員既浮誇演譯，感情位拍得細膩d，出黎效果相信唔會差成咁，如果未睇建議無謂o徒時間，翻炒Mr. smith and Mrs. smith無咁嬲！ "佐治·A·雷美奧" 喪屍經典{:6_193:} 睇trailer都覺得有少少cult味，不過未睇過，我應該等出碟先睇{:6_209:} 爛賭夫鬥爛賭妻 Mr. & Mrs. Gambler
長頸鹿既演技{:9_439:},真係無_得頂 80 分鐘死亡直播之變種屍新娘 REC 3
第一集戲院口碑唔錯，第二集戲院無上直接出影碟，兩集都 "無緣" 睇過 ...
lkljason 發表於 2012-5-23 18:01 http://www.post76.com/discuss/images/common/back.gif
80分鐘第一、第二集都好有上畫架！可能師兄太忙無留意，第一同第二集個人感覺唔一致，到宜家第三集因好少戲院上，香港島好似無添！所以仍然未睇，不過相信都唔會差得去邊！ 80分鐘第一、第二集都好有上畫架！可能師兄太忙無留意，第一同第二集個人感覺唔一致，到宜家第三集因好 ...
terencebest 發表於 2012-5-23 21:17 http://www.post76.com/discuss/images/common/back.gif
第二集真係唔覺眼，可能上畫周期短上左都唔知，其實個人唔太鐘意睇兒鬼片 (喪C片除外，賣飛佛！XDDDD) 第二集真係唔覺眼，可能上畫周期短上左都唔知，其實個人唔太鐘意睇兒鬼片 (喪C片除外，賣飛佛！XDDDD) ...
lkljason 發表於 2012-5-24 14:51 http://www.post76.com/discuss/images/common/back.gif
第二集：80分鐘死亡續播{:1_345:}
頁:
[1]