地球停轉日... J J 小評 (含內容)
本帖最後由 lkljason 於 2009-4-5 13:05 編輯http://revamp.dddhouse.com/cms/images/products/Day%20the%20earth%20stood%20DVD.jpg
未睇前都聽過呢套戲劣評如潮，但因為個人喜好鐘意睇科幻片，所以都明知山有虎偏向虎山行果隻，當然要我即刻買BD就無可能架勒，所以借左dvd黎preview左先。
睇完後比我想像中好 (影評差成咁調節o下自己先會睇得開心d嘛)，結尾比強戰更草草了事，因為未睇過1951年版，所以唔知舊版係咪都係咁樣結尾，大場面亦都比強戰小 (其實講真真係無乜大場面) 。好彩男女主角都係我比較歡喜，所以令我都有一看既價值。故事係講奇諾飾演一個外星人，因為要保護地球，而人類就因為唔懂得點樣愛惜地球，所以無可奈何咁要消滅人類，而珍尼花無厘頭咁對呢個外星人有好感所以就救左佢，而相處過程中呢對母子不知不覺間感動到奇諾令佢覺得人類其實都唔係無藥可救，所以網開一面放人類一馬，環保反戰意識係有d，但唔夠深入，總結套野兩頭唔到岸，即係文戲唔得，特技睇頭就更加係無！
你問我套戲叫唔叫垃圾，我覺得又未至於，起馬我睇時都無話有難頂個感覺，係個結尾比較草率d，其餘不過不失啦，唔好當佢係科幻特技片睇可能會好d，戲院上時宣傳片真係有d誤導成份，我建議睇o下就算啦，買就真係要奇諾既超級fans至好o勒！
頁:
[1]