2012-4-2 墾丁 高雄 遊 Day 1 -1
本帖最後由 ikkjr 於 2012-4-12 13:30 編輯好久冇寫旅遊 blog, 今次剛去完 高雄, 墾丁 五天, 覺得都幾好玩, 所以又再次動筆, 同各位分享下, 希望大家鍾意啦 {:6_189:}
出發前準備:
Asia Miles換機票
香港->高雄 = 15000 分/person
上綱揾酒店
◦ 墾丁 – 最好租'大灣路 '上之洒店, 去'墾丁大街'只係一街之隔, 望小沙灘/無敵海景, 又唔嘈. 係呢條街嘅洒店經常爆滿, 如果是長假期,最好早兩三個月前預定, 小弟就係兩個月前預定.約 HK$500-600/晚.
Tips: 留意一下酒店有冇lift. 小弟租個間就冇, 要自己搬行李行三層, 真係搬到手軟 {:6_206:}
但如果閣下超喜歡熱鬧, 又唔怕嘈, 就可以試下租 '墾丁大街' 上嘅洒店, 自我挑戰一下對噪音 嘅 忍耐度 {:6_204:}
◦高雄 – 如果唔係自架遊, 最好租捷運MRT(即香港MTR)附近嘅洒店, 一般嘅商旅 洒店約 HK$500-600一晚.
租車
墾丁之旅遊點比較分散, 公車又未必到, 所以到墾丁旅遊比較理想嘅方法係租車'自架遊'. 小弟係出發前兩星期在綱上book車.
台灣租車就算客人肯加錢, 也沒有'全包保險'可買, 請看附表:
保險重點:
- 如果不幸被人偷車, 要付車價10%.
- 如果有任何車體損傷, 上限賠 NT10000 + 車輛修理期之營業損失.
據租車公司職員講, 在台灣如果汽車跟機車(電單車)在路上碰撞 , 不理誰是誰非, 九成會判 尺碼較小 之車輛獲勝.而在高雄, 墾丁 架車時, 你會發覺路上有非常多 '機車(電單車)', 單車 穿插, 機車每次都從你車身左右兩邊1-2 cm 擦過, 其實都幾危險.
Tips: 在高雄, 墾丁 架車時,千萬留意機車, 尤其在要轉灣之前!
另在租車時, 租車公司會要求你簽一張冇寫銀碼之信用咭付款表, 有效期六個月, 以作為政府告你超速/違法泊車告票罰款之用. (你唔簽佢係唔會交車俾你) {:6_240:}
因在台灣租車有咁多條款, 建議就算租金比較貴小小, 最好揾間規模大嘅租車公司, 起碼安心 d.d. 小弟租個間叫 car-plus, 因有信用咭 promotion , 租咗架1600cc 四天, 約 NT7500, 巳包 GPS, 保險.
泊車
墾丁一般泊街冇大問題, 景點多數有免費停車場.
高雄 – 違法泊街會被抄牌/拖車 (罰款NT2000). 停車場一般收費 NT40/hour
Tips: 洎車在街邊盡可能不要泊在劃有紅綫或黃綫之路邊,
泊係白綫或冇劃綫之路邊, 警察叔叔見到都不一定抄.
入油
係台灣入油真係超抵, NT35.5/Litre,行完整個行程約600多 km 都只係用咗 NT1500 油.
圍起上嚟只需 HK$0.65 per KM. {:6_174:}
返到 HK 入油時真係想即刻賣咗架車 {:6_140:}
2012-4-2
今天早上8:00機, 因家在港島東, 叫咗架的士6:00樓下等, 所以5:00 要起身, 去到機場7:00 左右, 真係瞓得個四個鐘, 烏下烏下咁飛到高雄小港機場 {:6_160:}
到達後出埋海關約10:15. 第一件事當然係揾'找換店', 過海關前就有一間, 過咗海關後; 左面/石面各有一間, 雖然每間店嘅 Ex. Rate 都唔同, 不過相差不大, 以換 HK$5000為例, 最平跟最貴都係差一百幾拾, 所以建議去唔使排隊個間換.
出咗機場步行約三數分鐘, 就到達租車公司. 因沒有全包保險, 建議取車時小心檢查車身. {:6_229:}
小弟係高雄機場取車, 自架落墾丁, 不難找到 (因有 GPS ). 途中會先停第一個景點-福安宮.
由 Start -> Destination, 車程約兩三個鐘
全省最大土地公廟-福安宮
免費洎車
順便影下架車. Nissan Livian 新車, 一月落地, 行咗 5720km,
福安宮門口-特色小吃綠豆蒜
不太甜, 凍凍地, 幾好食, 值得一試. Only NT35 {:1_264:}
福安宮
附近小檔灘
ching , d相睇吾到呢 ching , d相睇吾到呢
rorolexex 發表於 2012-4-7 14:35 http://www.post76.com/discuss/images/common/back.gif
d相我睇到，可能要轉Window程式看圖...{:6_141:} 一個唔錯之旅.............{:6_142:}{:6_142:} 好詳細嘅遊記啊！資料豐富，啱晒D想自駕遊嘅Ching們呀！{:6_193:} 回復 1# ikkjr
ching寫得好詳細, 對有意去墾丁ching好有幫助! {:6_193:} 好詳細嘅遊記啊！資料豐富，啱晒D想自駕遊嘅Ching們呀！
jt24 發表於 2012-4-7 20:31 http://www.post76.com/discuss/images/common/back.gif
回復ikkjr
ching寫得好詳細, 對有意去墾丁ching好有幫助!
michaelwong 發表於 2012-4-7 20:59 http://www.post76.com/discuss/images/common/back.gif
多謝 Ching 加分 {:6_237:} 本帖最後由 michael 於 2012-4-8 14:29 編輯
正喎，返去加分先。 好久冇寫旅遊 blog, 今次剛去完 高雄, 墾丁 五天, 覺得都幾好玩, 所以又再次動筆, 同各位分享下, 希望大家 ...
ikkjr 發表於 2012-4-7 14:22 http://www.post76.com/discuss/images/common/back.gif
{:6_193:} Good Job!{:6_193:}
頁:
[1]
2