週年紀念馬交狂食~
好多年無去過, 今年過去玩下食下~澳門改變真係好大... 同埋以前平日去, 感覺都係幾休閒
但係今次去真係人人人人人人人人人... 唔知D六日假期會點~ haha
等我分享下食左D咩先~ 真係飽到我... 本帖最後由 wahjaja 於 2012-4-2 09:53 編輯
船屋
船屋炒蜆
幾好味, 但係我無諗過係一鍋... 仲要隻隻有肉, 抵~
椒鹽中蝦
麻麻, 雪蝦... 椒鹽都遮唔到雪味...
炸魚炒飯
魚都係雪o野, 炒飯就幾好味~
雅馨緬甸餐廳
我好like魚湯粉~ 香港有間自己話有澳門水準, 點之好差... 今次食返個好味o既!!
魚湯粉
賣相普通, 但係好鬼香濃
緬甸撈麵
呢個都好好味, 都係濃味o野, o岩我~
麥恬咖啡
咖啡o黎講... 就麻麻, 同埋好慢... 兩杯咖啡等左差唔多一個鐘...
好在食得好飽, 都想消化下先~ kaka
帝鈞胡椒餅
大人話台灣好味D, 我覺得算ok啦, 熱辣辣+好多肉汁(差D漏到成身係)
六記粥麵
原本想去黃枝記老舖, 不過無開...
雲吞蝦子撈麵
o係香港我好少食麵, 好多一係好淋, 一係就象筋麵, 澳門竹昇面就o岩o岩好滿足都我~ hoho
同埋D蝦子真係好香~
水蟹粥幾甜, 唔知點解自己試過煲, 隻甜味淡好多... 唔同蟹...?
瑪嘉烈葡撻
亞豐素三世
呢間係之前問人介紹o既, 不過都幾難搵...
蝦Cocktail
其實即係千島醬蝦沙律~ haha
亞豐素炒蜆
又係一大盤, 不過又係好好味!! 平時o係香港食開都係果幾隻煮法, 呢隻有新鮮感多好多~
芥辣牛柳
賣相就好差喇... 不過食落有芥辣香而唔辣, 我覺得控制得好好, 但係我覺得有隻煎蛋好似怪怪咁~
真係一個唔錯介紹 !!! {:6_142:}{:6_142:} 以前有時間都好喜歡同老婆過馬交食下嘢（我唔賭錢）{:6_208:}貪佢嗰邊比較休閒及寧靜{:6_166:}但近幾年已經好少去！因為強國人民去得太多，搞到到處好多人好擠拍{:6_192:}