isound HD-MKV Karaoke 點歌機
本帖最後由 maner394 於 2012-3-31 09:11 編輯isound HD-MKV Karaoke 點歌機
早前老細下令要我整返好個Karaoke，咁我當然要馬上行動，諗住裝番以前用舊電腦那套就算，咁啱同大師傾開，大師話依家內地新出有好多點唱機，好似部 Blu-ray咁細部，有晒糸統同 HDD，還有雙顯示输出，聽到呢個消息，我立即四出搜尋，又上華強又去鴨記找，最後係淘宝揾到呢部！在此多謝大 KEN 哥幫忙購買、托運、送到上門，真係感激不盡！
呢部 isound音嵌 型號: HD-MKV ，前面板非常簡潔
外型非常薄同細，只比 sony s370略厚
必須的端子應有盡有，還有雙顯示输出
打開頂蓋內置了有一隻 2T HDD
先測試單顯示输出晝面，一開機下播着預度的mtv，而單屏模式下，點歌菜muen通過OSD透屏技術重疊在歌曲視頻上，直接輸出到電視機
畫面都幾靚音質都唔錯，而remote反應都唔錯！
要雙顯示输出，要把這制切置成on
再測試雙顯示输出晝面，如要雙顯示输出，一定要把切換制切成on，一開機下播着預設的歌曲，而點歌畫面正 loading……….，完成整個loading都成分鐘都幾耐下！
再測試點歌系統，點歌系統和一般Ｋ場介面外觀有很大差異，因點歌機目標是對應國內市場，所以介面上都是簡體字，而點歌方法都和一般Ｋ場大同小異，一般的明星、筆劃、字數點歌……..等都有！
歌曲方面內置了5萬首，日、港、英、韓、台都有，真係應有盡有，可惜大部分我自己都唔識，而關於歌曲來源，就不大方便在這發表，而歌曲畫面質素，是取决於歌曲本身的格式，歌典木身畫面好，出來也會很好，而字幕本身是取决於歌曲本身，是否繁、簡，英、韓，日字，而作出播放！
播歌、播片呢方面…….. 唉, 都要和入歌一樣(咁就麻鬼煩)，要經軟件先入到同播到，嘗試播 1080p韓國 MTV 勁窒，聲快過畫面好多，再試 720P韓國 MTV 都係勉強播到, 呢部機播片真係算吧啦！
入歌方面可同 pc 或 usb方式，而用 PC 就有專用軟件入歌，但只有簡體裝，開啓軟件會出現怪獸字，解决方法可到Microsoft 下載Microsoft AppLocale，用Microsoft AppLocale開啟軟件，就可看到簡體字，入歌過程都算簡單，只要跟據說明書一步一步做就可以，而內置在點歌機的歌曲，在電腦上是不能播放，只可以在點歌機上播放！
總括isound 點歌機，你千其唔好當佢點歌機和media player兩用，播片能力可以講係無用，它只可以做一部點歌機，可是它在建立點歌系统方面，是比電腦方便好多，一買回來就可大唱特唱，接駁非常簡單，好適合一家大細玩，而聲畫本人覺得不過不失，質素係一般 media player 質素，而系統方面不論入歌和點歌方法，和我之前用電腦建立的糸統差唔多，但最令我覺得可惡的事，就係內置歌曲不能用電腦或其它 player 播放，曲目只顯示數字名，第日想轉用電腦或其它點歌機，都用唔返這些歌曲，而最麻煩的事，由於我想建立一套屬於自己的歌庫，但有太多太多唔識的歌和歌手，要逐一去刪除令我想死一樣！其它方面我覺得是正面的！
1. 如果你己用電腦建立Karaoke系統，這部機就可以慳返唔使買啦！
2. 如果未有點歌糸統，想要一個點歌系統，而自己又有舊電腦，又識如何建立，咁又可以慳返唔使買啦！
3. 如果你又無舊電腦，而又想要一個點歌系統，呢部啱晒你去馬啦！ 好似幾好，多唔多廣東歌？屬新歌多定舊歌多？ Maner兄，可唔可以pm條link呢 好似幾好，多唔多廣東歌？屬新歌多定舊歌多？
joelcan 發表於 2012-3-30 21:50 http://www.post76.com/discuss/images/common/back.gif
都多廣東歌 約2011年中 Maner兄，可唔可以pm條link呢
fshair 發表於 2012-3-30 22:10 http://www.post76.com/discuss/images/common/back.gif
上淘寶搜查＂點歌機＂就有好多資料和款色！ 回復 5# maner394
收到，唔該 個搖控咁似oppo果個{:1_262:} How much?{:1_253:} 你依部機可唔可以用HDMI出主畫面, VGA出點歌畫面?
因為之前同朋友搞左部, 主畫面只可以用視頻RCA出, HDMI同 ...
Gorgeous 發表於 2012-3-31 12:29 http://www.post76.com/discuss/images/common/back.gif
依部機可以用HDMI出主畫面, VGA出點歌畫面,又可以VGA出主畫面, VGA出點歌畫面，因有兩個VGA輸出！
頁:
[1]
2