八星抱喜.. J J小評 (含唔含內容都無乜所謂)
每年既賀歲片都好小去戲院睇，除左唔想同人迫外，黃生既笑料實在仲停留o係8, 90年代那些年當中，對上果兩套已經賴過野 (家有囍事唔知200幾同最強囍事) ，不過最後出碟時都會借或者租黎睇下，呢套八星抱喜都唔例外。套戲一開始已經覺得唔對路，見到阿葉問師傅個假髮加埋佢硬滑稽既笑容真係嚇一嚇，仲要唱幾首老歌 (唔sure係咪由佢自己唱翻)，之後再黎多個黃生愛將金雞如既大笑姑婆演譯，真係好難笑得出，金雞如令我覺得佢最搞笑既電影印像最深刻始終都係第一集既家有囍事，其餘真係諗唔到，而家有佢既既喜劇反而仲覺得out out地。而傻強澤同熊樹林既配搭老土有餘，火花欠奉。蝦蛟仔媽咪同古仔算係比較順眼既一對，不過感覺都係胡胡鬧鬧咁，可能真係年紀大欠左d幽默感掛，唯一令我比較留意古仔同kelly呢parts故仔，係因為個囡個話劇老師o係呢 part 做左個地盤佬既角色，所以會特別認真睇下。
總結：可能好多人話賀歲片係咁架啦，熱熱鬧鬧開開心心咁離場就夠，sorry~~~可能我要求過高，呢套絕對係水準以下，真係有多時間又或者想o徒咁d時間既朋友可以一看，買左碟既朋友睇完建議放得幾多得幾多，放左d錢食個"癲拿"無咁嬲！ 所以點解志偉果D賀歲片會WIN佢就係咁解, 起碼志偉既片都有D內容, 黃生D片真係有時唔知佢想講咩的呢~
佢真係做到, 入完場, 好似發左場夢咁, 出返來你係可以唔知佢成套戲想講咩的呢!!!{:6_185:}
頁:
[1]