感謝師兄答覆，小弟會研究研究，希望各師兄多點指導。
我都係新手, 不過會用光圈先決或快門先決先, 熟左之後再學用m mode
不過有人教我, 其實首要學既係構圖先
先影好D相，乜mode都無所畏!!
慢慢你會感到不足，才深入了解。
畢竟拍照最基本就是要清楚，然後才談感覺。 ...
yeungone 發表於 2012-3-19 14:22 http://www.post76.com/discuss/images/common/back.gif
其實係唔係即係好似人地教我咁要學好點去構圖先?
果個人同我講話一張相構圖係最基本最重要果part, 如果構圖好, 就算用auto影一樣唔會差, 而光圈快門呢d係幫助你影出更好既相. 但假如構圖失敗, 就算光圈快門set岩晒, 張相一樣唔會靚
佢講既野係真定假?
本帖最後由 ahnel 於 2012-3-20 18:36 編輯
我都係新手, 不過會用光圈先決或快門先決先, 熟左之後再學用m mode
不過有人教我, 其實首要學既係構圖先 ...
liljon852 發表於 2012-3-20 17:42 http://www.post76.com/discuss/images/common/back.gif
師兄都講得啱, 構圖好緊要, 構圖唔好, 張相真係大打折扣, 例如好多新手唔理構圖同襯托, 總之有理冇理擺舊主體響畫面中間, 錦樣一睇就知你係新手啦~{:6_138:}
其實M mode唔係高手mode, 初學者都唔好驚左佢, 其實初學者都可以由M mode開始~
一般初學者係由A mode開始, 大部份時間機比你個快門組合都係啱~
但係影吓影吓我諗好intensive錦玩幾個月, 你會發覺個測光好多時都唔準, 張相唔係over就under, 唔好怪你部機, 係你影o既題材開始多左, 又或者睇左人地D相你又想玩吓野~
哩個時候你會學用+/-EV去糾正個曝光啦, 其實+/-EV同你用M mode經已分別唔大, 因為你都手動去改變相機比你o既數據~
一般相機用M mode會有條bar話你知係under或者over, 你調校個shutter speed令條bar去到中間錦就係相機覺得係正確曝光, 其實同A mode係冇別, 分別只係一個你要自己擰, 一個就機自動跳出黎, 但係個數值係一樣~
自己擰有一個好處, 就係你會特別留意你擰左一個咩快門值出黎, 但係如果你用A mode, 好多時機比咩快門值你, 你係唔會留意~
你留意得多, 自不然就會入左腦, 久而久之光圈快門組合你自己心裡都有一個大概~
錦你又會問, 唓用M mode禁好又點解要用A mode / S mode呀, 以上兩個mode或者加埋P mode都係為快而設, 但係一般初學者影相, 要禁快黎做咩呢, 要快不如先思考吓先按shutter啦~
其實係唔係即係好似人地教我咁要學好點去構圖先?
果個人同我講話一張相構圖係最基本最重要果part, 如果構 ...
liljon852 發表於 2012-3-20 17:50 http://www.post76.com/discuss/images/common/back.gif
睇你張相的重點放係邊度, 相片好多都係講構圖同色彩~
但始終都係視乎個主題, 配合得好米有feel lor
我都係學下學下, 唔多清楚~{:1_338:}
師兄都講得啱, 構圖好緊要, 構圖唔好, 張相真係大打折扣, 例如好多新手唔理構圖同襯托, 總之有理冇理擺 ...
ahnel 發表於 2012-3-20 17:54 http://www.post76.com/discuss/images/common/back.gif
那我想請教一下師兄, 其實構圖方面有冇d乜野學問?
那我想請教一下師兄, 其實構圖方面有冇d乜野學問?
liljon852 發表於 2012-3-20 17:57 http://www.post76.com/discuss/images/common/back.gif
小小心得分享啦~{:6_162:}
攝影係減退法, 可能你都聽其他師兄講過。 何謂減退法呢? 啫係話你要將畫面裡面不必要o既野減走佢。 咩叫不必要o既野呢? 如果果樣野又唔係你要突出o既野(啫係所謂o既"主體")，而佢又唔能夠對主體起一個襯托作用，佢就係不必要o既野喇, 刪走佢啦~
選擇主體, 搵野襯托主體, 刪走不必要o既垃圾, 哩個過程我理解為構圖~
襯托方面可以參考吓一D設計入門書藉, 不外乎利用對比色、明暗、冷暖色、多少、大細去做襯托, 再深入係一D意義上o既對比例如男女、老少、生死等等......
如果又冇野襯托, 又刪無可刪, 對於主體o既裁剪(例如我要影架車, 我究竟影哂成架定係影個車頭燈呢)或者主體o既擺位都可以理解為構圖~
哩類擺位方面o既構圖最常提及就係黃金分割或者視覺引導等等~
如果師兄你有興趣, 大家再討論下丫~{:6_182:}
回復 17# ahnel
師兄願意賜教, 小弟當然絕對有興趣啦{:6_139:}
我聽過黃金比例呢一樣野, 但唔知實質即係點, 師兄可以不厭其煩講解下嗎??{:6_162:}
有感影相真係一門高深既學問,
小弟愚見覺得最難果部份唔係用乜光圈快門等等. 呢樣我諗影得多, 慢慢就會知道乜野環境乜野相片應該用乜數值.
但構圖呢一樣野, 真係有d頭痕, 而且好多時係公共地方影相, 主體唔到自己控制, 而要自己去遷就番個主體
叫我用photoshop/illustrator去整一d poster, banner, leaflet等等仲易, 因為自己鍾意點擺就點擺
回復ahnel
師兄願意賜教, 小弟當然絕對有興趣啦
我聽過黃金比例呢一樣野, 但唔知實質即係點 ...
liljon852 發表於 2012-3-20 19:25 http://www.post76.com/discuss/images/common/back.gif
唔好講話賜教禁客氣, 大家交流吓啦~{:6_182:}
用PS或都Illustrator去畫野當然係輕鬆自在啦, 因為繪畫係遞增法, 一點一點加上去, 畫完主體就自己加襯托上去, 哩種方法由我地幼稚園開始畫畫就習慣哩個創作方式, 所以師兄覺得易上手係正常~
攝影係一個完全相反o既創作方式, 同埋受到客觀環境所限, 要做到去蕪存菁係需要一D時間去先思考後按shutter~
講番黃金分割, 學術D黎講就係1比1.618, 哩個比例係出現響生活好多事物裡面, 例如國旗短邊同長邊比例就係1比1.618啦, 一D經典建築物o既比例都係按哩個比例去起, 哩個比例去構建o既野唔知點解就比人一個舒服o既感覺~
去番攝影啦, 影相當然唔駛去記數字, 大約就得嫁喇, 最簡單o既方法就係將畫面長闊都分成三等份, 錦畫面就會打出一個井字, 井字裡面有四個交叉點, 如果將主體放響哩四個交叉點上面呢就會比人一種舒服o既感覺喇~{:6_174:}
好多朋友會覺得點解影極D相都冇其他師兄禁靚, 有時佢地就係冇留意哩樣野, 下下將個主體放正響中間, 錦就梗比人覺得你係新手啦, 除非你個背景襯托攞得好靚啦, 如果唔係個構圖九成都唔靚, 同埋方度相除外, 方度相主體放中間都可以好靚~
如果你有留意相機對焦點o既分佈都可以睇到哩種構圖o既重要, 就以九點對焦o既相機為例, 其中五點係打一個十字, 另外果四點係落響井字o既交叉位上面喇~
o
o o
o o o
o o
o
大約係錦啦, 畫得肉酸唔好見怪~{:6_122:}
Wow~師兄真心教授，我哋虛心學習，攝影界繼續壯大！！！
謝謝師兄~啜~~~~
