我們都係劉華 - 《桃姐》觀後感 (有內容)
本帖最後由 ykluk 於 2012-3-13 12:28 編輯小弟老闆係劉華忠實fans, 基本上劉華有戲上都要入戲院睇(除咗套爛到爆既《未來警察》), 至於《桃姐》, 反而係小弟話一定要去睇, 淨係睇Deanie姐+許鞍華都已經夠$80以上啦~~!! {:6_143:}
《桃姐》改編自真人真事, 講述一位生長於大家庭的少爺Roger與自幼照顧自己長大的媽姐家傭桃姐之間所發生的一段溫暖人心的主僕情故事. 其實直接啲就係講由桃姐中風到死既一段時間, Roger同桃姐之間既變化同身邊事物既體驗. 全套戲以淡同細膩去形容最切合不過, Roger同桃姐既變化, 由中風前一個好典型既主僕關係, Roger對桃姐只係冷漠既家傭態度, 到後來桃姐中風後堅持入老人院, 意識到自己身邊既孤寂同桃姐喺老人院既情況, 慢慢由唔會掂桃姐到最後拖住佢手去行街, 由喝佢到最後叫桃姐做契媽, 嗰種好慢好細既變化真係令小弟非常感動~~!! {:6_128:}
Deanie姐完全無得傾, 完全服到五體投地點解佢可以演得咁好咁真, 無論形態眼神, 一個小小既反應, 佢完全就係桃姐~!!! {:6_121:}
《桃姐》講既主僕情大家都應該好清楚, 小弟都無謂著墨太多喺呢度, 反而想講吓許鞍華導演喺《桃姐》所講既其他事情.
《桃姐》有百分之七十既內容都係喺老人院發生, 小弟雖然咁多年嚟只係去過二三次老人院探訪, 不過多年嚟幫東華三院做project, 都接觸過老人家同老人院, 內裡表現到老人院既情況的確係百分百真實(東華老人院較私人好)!! 香港既老人福利服務的確係做得唔好, 隨著老人問題越嚟越嚴重, 我地作為香港人, 到老時究竟可唔可以有個真正安居之所? 當然許鞍華導演所表現既並唔係完全一面倒, 入住老人院並唔係末日, 起碼由桃姐最初入去到最後同一班老人家既感情已經比到另一個角度大家!! {:6_146:}
根據維基所講, 《桃姐》真實故事主角李恩霖是香港的一位電影工作者, 以前他與許鞍華合作過《女人四十》化擔任創作總監). 李作為一名電影人, 把想要將自己與保姆之間的情感故事搬上大銀幕的計劃與故事大綱告訴了許鞍華. 許導對於這樣一個講述老年人孤獨狀態的故事一見傾心, 她說「因為我也老了, 64歲, 單身, 開始擔心孤獨, 怕老得太潦倒」. 她認為通過寫實手法把香港老人的市井生活, 人情冷暖與世故家常在電影中還原出來, 可以讓許多人更加關愛自己身邊的老年人.
小弟個人認為, 許鞍華所表達既, 絕對唔止係"可以讓許多人更加關愛自己身邊的老年人"既一套電影, 裡面所指出提示既問題實在好多, 而且每一件都同我地有切身既關係. 《桃姐》係以Roger劉華既第一身感受去拍攝, 當小弟睇戲時, 不其然都會代入到劉華既身份去諗每一件電影發生既事情, 我自己都係同一個人, 我自己都有要照顧既老人家, 我自己都會變老人家...
所以我想講既, 其實我地都係劉華, 大家見到既都係同一個角度, 呢個問題唔係一個幾十年後先會出現既問題, 《桃姐》帶出既絕對係每日都見到發生既事情!!
{:6_238:} 多謝觀賞~!!! {:6_162:}
p.s. 最後想講一講劉華, 其實一直都覺得佢係一個好勤力既藝人, 但演戲始終都係有一定固有框架, 但今次既《桃姐》的確係一套好難去演得好既戲, 無靚衫無靚仔無有型, 平淡而真實既Roger喺劉華身上得到共鳴, 如果佢今年拎到影帝都係值得~~!! 希望年輕一代記住,
父母或長輩由細到大對佢地既愛!!
成年後不能夠一聲"無能力"....就至諸不理!! 多謝分亨 6哥！！好好既分享！！！寫得好好{:6_211:}{:6_193:} 順帶一提, 呢套絕對唔係一套"崔淚"既電影, 大家唔使擔心睇到眼濕濕(雖然我都流下咗一滴男兒淚!! {:6_125:}) 許鞍華剪接得好好, 桃姐去得好快好安詳, 唔似喺韓片咁死極都唔去又搞好耐...{:6_129:}
另外, 想聽音效等等既都唔使諗, 呢套戲唔係試機碟, 不過出bd一定要珍藏~~!! {:6_127:} 6哥！！好好既分享！！！寫得好好
fuman0123 發表於 2012-3-13 12:40 http://www.post76.com/discuss/images/common/back.gif
多謝加分~~!! {:6_162:}
我講過我會出影評架啦~~!! {:6_174:} 希望年輕一代記住,
父母或長輩由細到大對佢地既愛!!
成年後不能夠一聲"無能力"....就至諸不理!! ...
RiceR9 發表於 2012-3-13 12:33 http://www.post76.com/discuss/images/common/back.gif
你記住同你啲仔女講~~!! {:6_142:} {:6_176:} 回復 7# ykluk
我見好多人只當啊媽係工人...幫佢地照顧細路,
好似老馮咁.....完全無問啊媽想唔想...
有事就剩係識嘈....由其依個年代...我都聽唔少,
到下一代上位...你話會變成點{:6_148:} CHING
真係好堅,
我只係想叫多d人睇.
因為我覺得每個人睇完都有自己感覺可以拎到野走,
好值去睇,但睇完ching寫,
{:6_193:} 回復ykluk
我見好多人只當啊媽係工人...幫佢地照顧細路,
好似老馮咁.....完全無問啊媽想唔想...
有事 ...
RiceR9 發表於 2012-3-13 12:50 http://www.post76.com/discuss/images/common/back.gif
呢個又係我另一個唔想生既原因之一囉~~!! {:6_146:}