http://i12.photobucket.com/albums/a242/kaigaku/rd02.jpg 日本版入手，正片帶粵語和國語字幕，幕後花絮除了導演評論之外都帶有中文字幕。
tokyoyuan 發表於 2009-6-4 18:59 http://www.post76.com/discuss/images/common/back.gif
Good，即係港日同版，派記又一傑作，不過以價錢嚟計都係入港版著數啲！！！ 睇完,畫質幾好,配樂唔錯,但內容唔係我杯茶 本帖最後由 劉一舟 於 2009-6-16 14:21 編輯
得利港版BD上星期四已上架，容量有41.4GB，片長119分01秒，AVC編碼，畫質尚算不錯，冇咗派記常有的偏黃色調，加上要配合五十年代的拍攝年代，出嚟的色彩都幾似當年史Sir和迪卡比奧合作的《捉智雙雄》，不過後者玩得爽啲；音效方面，對白佔絕大多數，其他背景音樂可以話係寥寥可數，所以Dolby True-HD在此片可有可無，不過淨係聽多場迪卡比奧和肥溫互數的對白都幾果癮，字字鏗鏘，句句有力；字幕方面，正片和八十分鐘的特輯包括刪剪片段有粵語和國語字幕等選擇，不過例牌隨片講評就只有英韓等字幕提供。
星期日看了此片，心情久久未能平復，全因為唔係肥溫兩人做，我都難以捱到兩個小時的光景，我笑謔此片為《奇幻夫妻》，戲中迪卡比奧和肥溫兩夫妻角色的演繹情緒都幾變幻莫測，你當我唔理解肥溫老公想表達啲乜好，我只覺得戲中兩公婆有時糖黐豆有時水溝油的矛盾感情，加上係咪又中產症候群作祟關係，雖明白箇中因由但難以令我投入其內心世界，導演話呢種心態行為就算五十年代和現今年代都會發生，那恕我功力淺，未能感受戲中兩位主角所面對的難題，這亦是我的問題，我只知道兩個小時好似被導演帶咗去遊花園般，不過有幾場都好正，如Kathy Bates的傻兒子和肥溫兩公婆兩場的對話和ending嗰場Kathy Bates喺咁嘮嘮叨叨，跟住影住其戴助聽器的老公偷偷關掉助聽器都為之一絕。
藍光碟特別收錄
﹣導演與編劇隨片講評 (英、日、韓字幕)
﹣安靜絕望的生活：《浮生路》的製作 (29分03秒 / AVC / 中文字幕)
﹣理查雅緹斯：真相的工資 (26分04秒 / AVC / 中文字幕)
﹣刪剪片段１５段 (25分14秒 / AVC / 中文字幕 / 另可選擇導演與編劇講評但只提供英、日、韓字幕)
﹣戲院預告 (2分08秒 / AVC / 日文字幕)
頁:
1
[2]