自由行魔力 ~ UA 戲院遭名店迫遷 (轉載)
轉載自 2012 年 1 月 19 日蘋果日報要聞港聞版全院滿座 不及 LV 賣個袋
自由行魔力UA 戲院遭名店迫遷
q-sB_zHK-g8
銅鑼灣波斯富街小店被貴租打殘，拜內地同胞驚人消費力所賜。附近的時代 UA 戲院亦被名店入侵，月底將暫時結束 18 年業務，據知該處將以天價 2,000 萬元月租租給國際品牌 Louis Vuitton，變成自由行購物熱點。
http://hk.apple.nextmedia.com//images/apple-photos/apple/20120119/large/19la2p4.jpg
銅鑼灣 UA 時代戲院的舖位，被 LV 以 2,000 萬元天價月租進佔。
位於銅鑼灣時代廣場地下和一樓的時代 UA 戲院營業到本月 31 日便暫時結業。自 18年前時代廣場建成後，時代 UA 戲院就一直見證着該區的興旺，諷刺的是隨着人流增加，自由行爭相前往購物花費，就在內地這股似用之不竭的資金支持下，地舖租金連年水漲船高，時代 UA 在今年頭約滿後獲通知不被續約，故需暫時停止營業，稍後有機會搬上 12、 13 樓繼續經營。
http://hk.apple.nextmedia.com/images/apple-photos/apple/20120119/large/A02_01_a.gif
昨日傍晚時分，尖沙嘴 LV 店外大排長龍。
Louis Vuitton 熱門貨
http://hk.apple.nextmedia.com/images/apple-photos/apple/20120119/small/19la2p7new.jpg http://hk.apple.nextmedia.com/images/apple-photos/apple/20120119/small/19la2p8new.jpg http://hk.apple.nextmedia.com/images/apple-photos/apple/20120119/small/19la2p9new.jpg
2012 春夏透明手袋 $28,800 漆皮 monogram 手袋 $11,900 Speedy 手挽袋 $6,200
一個月營業額逾兩億
據知，時代 UA 每年營業額約 4,000 萬元，每月租金 110 多萬元，而法國品牌 LV 則以月租 2,000 萬元進駐，兩者租金不可同日而語。這個對於戲院商看似是天價的金額，對內地大款趨之若鶩的名店來說絕不算貴，有數可計。就以 LV 尖沙嘴廣東道店為例，前年 12 月旺季營業額據知達 2 億多元，該店的皮袋由 6,000 餘元至 30 餘萬元都有，以人均消費 2 萬元、每日有 400人幫襯計算，單日就做到 800 萬元生意，一個月有 2 億多元營業額，交租可謂輕而易舉。只要見到每日各名店外穿流不息的人龍，就知道名店交租並非難事。
負責經營時代 UA 戲院的娛藝院線有限公司副總經理、身兼戲院商會理事長的黃韋琪，與從事戲院生意 37年的副理事長崔顯威，日前接受本報記者訪問時表示明白地產商的決定，崔顯威說：「在商言商，無可厚非，如果好似你所講出到 2,000 萬一個月，應該冇戲院商負擔得起。」假如以時代 UA 一日播影六場戲、每場平均票價 75 元、坐滿 813 個位計算，每場收入也不過約 6 萬元，不及一個 LV 高價袋的價值。整月計算，戲院收入不足 1,100 萬元，淨交租都不夠，還未計其他開支。
時代廣場董事凌緣庭早前透露，會騰空時代廣場原先是食通天的 12、 13 樓作戲院用途。黃韋琪表示歡迎:「我哋一直有同業主溝通，喺圖則上一直有畀意見，對成事好有信心。」
戲院或搬至 12、 13 樓
崔顯威透露，目前戲院經營困難，數目亦嚴重不足：「以前戲院同業主嘅租金係個梗數，家已經好少呢樣嘢，一般商場會同院商簽定底租，或用營業額兩成半作為租金，以較高者為準。一張戲票分完一半比片主之後，要同業主對分。」他又說：「時代 UA 月底停業，幾時開番冇人知，北角新光做埋 2 月業主就會收番，到時銅鑼灣區就得番 MCL JP、皇室同埋總統三間院七個銀幕，大概有 1,332個位，要照顧灣仔、天后、北角同銅鑼灣嘅人，唔夠戲院變相剝奪市民睇戲權利。」崔顯威稱，當年戲院肩負起娛樂以外的責任：「以前暴動，戲院就用嚟粉飾太平，畀人入場忘憂；七十年代政府發展衞星城市，又規定要有戲院吸引啲人搬入去。」他表示以早年天水圍為例，政府就曾在賣地條款上加入要有戲院的條款：「戲院唔夠嘅唔只港島區，新界區火車沿線大埔、上水同粉嶺都冇戲院，睇戲都要跨區去到沙田睇!」 D名牌開嚟搵強國人民嘅錢........{:6_121:} 有錢賺都要靠邊站 {:6_194:}，香港電影業想振興，都無出路比 d 市民比錢睇戲，係唔係要叫d 人返歸睇老翻! 而家尖咀及銅鑼灣吾係我哋 行啦 ！{:6_194:} 唔緊要, 呢間啲設備太落伍嘞! 搬上12同13樓新裝修新設計仲好啦! 戲院又唔需要喺地舖嘅! 凡事唔一定要好似啲病態傳媒咁梗係負面咁睇, 正面啲都得嘅!
頁:
[1]