近期覺得亞囡最可愛既相片!!
影完都唔知原來有張咁既相, 次次見到都會笑下既~~~{:1_245:} 好 cute wow{:1_262:} 係囉, 手指指咁喎~~哈哈~~ 個樣又大個左了 係呀, 真係同初出世好唔同呀~~~~{:1_253:}你個仔仔都大個好多啦, 上次係 CITYSUPER見到你地一家三口, 仔仔又精靈, 好開心呀!!!!{:1_338:} 我個仔而家成日尖叫同大聲叫,見到人都唔一定會嗌人.同埋好耐打.鬧唔聽打唔驚.
其他小朋友靜得來係會用腦,一出聲講野好準.
我本身期望佢係靜得來聰明果d,而家佢得個樣,得d表面野
只怪佢落得太多街,屋企太多玩具. 心太野了 係咁架啦, 你點可以咁樣期望你既小朋友係點點點先得呢??
你應該見到佢最叻係咩而係佢既興趣方面比佢多多發展架麻,
如果佢跟足哂你諗既野來做人, 佢就唔係一個個體, 係你既附屬品了.
比多D心機, 開始諗下佢最鐘意玩咩, 比多D佢鐘意既野佢學啦~~ 其實我都冇迫佢D乜,因為我細過果時係咁上下,所以都諗住佢會咁,
而家既傾向於唔好既,都係盡量改善返佢.不過就辛苦D囉.
D老人家真係唔會迫佢地做D乜,佢要睇電視就比佢睇,佢唔食飯就喟佢食,佢自自然然就變左大爺性格.
事實上想個細路好,有好多野你唔想做都要迫住做.我稍稍同佢嬉戲多左,佢就會失控.小朋友本性就係咁.女仔相對就易教聽話好多.
而家除左正常課堂之外,會比佢上下學校既英文班,國語班同繪畫班
順便提一提你,好多學校足18個月大就可以開始報名.救世軍果d多人排既,出世已經開以開始排. nursery果d 兩歲開始讀得, k1就3歲. nursery 果d一班得廿個人到架咋.要報就要早小小 明白, 報BB班呢D都要開始留意一下.
不過你都講得岩, 男仔係活躍小小, 不過女仔都一定可以好唔野小. 睇雷兄叫佢個女小魔怪就知.
老人家湊係真係會錫好多既, 始終湊孫係好開心既, 我依家個女都係好聽婆婆話架, 婆婆叫佢唔好郁, 佢就真係唔郁, 我同小肥都叫唔聽架~~~~ 小朋友好叻識試人底線,識睇眉頭眼額,佢知邊d人要聽邊d人可以唔聽,
所以做父母好無奈都要恨下心腸.一個教緊其他人唔可以出聲,等佢只到唔聽係唔得