西片幾套 - J J 小評 (含內容)
一路忙到而家都唔得閒寫小評，襯今日無咁忙就分享下。MI4
無期望無失望，睇完仲有小小驚喜，靚佬湯翻新之作果然不容有失，個人覺得比MI3好睇，要動作有動作，要笑料呢套都有d，配角選角亦都妥當無失拖，故事當然唔算扣人心絃，但結局都算叫做有d心思，相信呢個系列會長拍長有！
福爾2
呢套首集有d驚喜，而到續篇繼續玩呢種元素兼再變本加勵，出黎既結果真係有d悶，所以呢個系列亦都打破唔到續篇既宿命。睇完後個人覺得一般，悶場亦都有唔小，好彩Ironman既百變造型加埋華生既幽默演出拉翻小小分數，不過都彌補唔到故事唔夠緊湊，女角唔夠突出，奸角無乜氣勢，所以建議出碟睇都無妨！
吸血4
呢個系列我個人黎講睇完第一集之後已經興趣不大，不過唔知點解又吸引到我屋企另外兩位成員觀看，所以點都要"跟進"呢套系列既發展！
呢集亦都貫切翻呢個系列既風格，節奏慢到無倫，劇情婆媽到不堪，故事睇左頭半個鐘相信之後去個洗手間，再落小食部買d野食甚至乎食埋，應該都仲會接到套戲講乜，唉~~~真係比無記d電視劇更加零進展，不過話晒都捱到第四集，黎緊大結局希望會緊湊翻d啦！唯一安慰就係睇呢套戲咁耐都未試過真金白銀 比錢，全部都係贈券，所以慶幸未至於要割凳喊回水果隻！ JJ咁耐唔見呀?? {:6_175:} 臨近農曆年忙到嘔飯，所以聖誕新年睇左d戲都無時間分享，襯今日有dd時間至可以寫到呢篇小評！ MI4...{:6_193:}吸血4...{:6_199:}
頁:
[1]