【買兇拍人】-(10週年高清數碼修復版) Blu-ray (碟評)

Ken704 發表於 2012-1-10 00:40

本帖最後由 Ken704 於 2012-1-10 01:09 編輯

文/圖 : Ken Wu (ken704)

黎到新一年既開始, 當然要揀一套喜劇比大家開心一下,而今次我就揀左依度好多版友都睇過既【買兇拍人】同大家討論一下呢! 可能有人會問做咩要攞套10年前作品黎講,唔通依＋年間冇一套喜劇值得回味嗎? 依個問題你地自己諗下啦!!!! 當然另一個原因就係制作單位將【買兇拍人】重新數碼修復推出藍光版!

其實《買兇拍人》係彭浩翔自己的第一部長篇電影, 當時新人既佢得到肥谷支持, 終於開得成依部戲, 但又因制作費只有幾佰萬貨仔, 未能揾D大Cast既Artist, 好彩彭浩翔之前係商台工作過, 於是找來一班好同事黎倩商演出, 因而Cast方面就有葛民輝, 張達明做主角, 另外仲有好多攪笑之人如詹Sir, 鄒凱光, 蘭西落力演出, 唔講唔知, 睇今次既制作特輯先知道原來詹Sir既電影演出, 【買兇拍人】係佢自己第一部作品呢!

今次碟評我試下從下列幾方面比D評語, 大家版友有興趣都可以一齊參與討論呢!!! (詳倩見下文)

畫質方面:
**滿意指數** 7分 (10分為滿分)
- 比起其他冇做修復既舊片當然係好好多, 亦冇你地成日都見到既白點, 畫面上雖然仍未拍得住當今新片,
但今次修復畫面我絕對有貨有餘!!!

音效方面 :
**滿意指數**6分 (10分為滿分)
- 片種所限, 一定唔係攞黎做試音個杯茶. 而人聲亦一如以往港片通病有小小偏向人聲小, 音樂大既問題,但比起宜家出既新片好D!

制作特輯 :
**滿意指數**8.5分 (10分為滿分)
- 我覺得今次除左數碼修復係一個賣點之外, Special Feature肯定都係一個亮點. 有2條講評, 分別有導演彭浩翔同監制肥谷一條聲軌, 另外有葛民輝, 張達明一條聲軌, 加上好多豐富既花絮, 係港片黎講算係罕見唯一有小小失望既大部份收錄都唔係高清. 唯一有既係”高清數碼修復首映分享會”, 分別收錄詹Sir同彭浩翔既現場訪問, 睇完成個Special Feature你除左對【買兇拍人】有深入了解外, 你地仲會見到彭導演十年前後差好遠, 依家型左好多呢!!!!

Ken704 發表於 2012-1-10 00:40

本帖最後由 Ken704 於 2012-1-10 01:04 編輯

由今集開始, 會有一個環節叫”好碟? 你話啦! “大家可以從畫質, 音效, 制作特輯, 故事內容, 封面設計各方面比屬於自己既*滿意指數* (10分為滿分) , 可以既亦可講多1,2句自己見解.

P.S.: 凡有比滿意指數既版友會得到版主2分作獎勵. 有比滿意指數再加自己見解可得版主4分作獎勵, 最少由3方面開始計算

例子1:
畫質方面 : 7分 (10分為滿分)
音效方面: 6分 (10分為滿分)
封面設計: 7分 (10分為滿分)

這樣會得到版主2分作獎勵

---------------------------------

例子2 :
畫質方面 : 7分 (10分為滿分)
- xxxxxxxxxxxx (自己意見)xxxxxxxxxxxx
音效方面: 6分 (10分為滿分)
- xxxxxxxxxxxx (自己意見)xxxxxxxxxxxx
封面設計: 7分 (10分為滿分)
- xxxxxxxxxxxx (自己意見)xxxxxxxxxxxx

這樣會得到版主4分作獎勵

Hon 發表於 2012-1-10 00:57

本帖最後由 Hon 於 2012-1-10 00:59 編輯

我都有買呢套片仲睇埋, 我都出個個人評價先:

畫質方面 : 8.5分 (10分為滿分)
- 以香港電影黎講, 仲要係10年歷史, 修復到咁既程度我都係收貨有餘, 除左睇得出佢地演技上既好表現之外, 有埋好畫質睇落真係加唔小分.

音效方面: 6分 (10分為滿分)
- 因為我無靚音響關係, 所以俾出黎既分唔多中肯, 但感覺上聲音方面好似比當年dvd版係好左既.

封面設計: 8分 (10分為滿分)
- 我個人其實好like呢個封面, 因為佢包含晒成套戲既人物角色打扮之餘, 仲有一種共鳴既感覺, 原來話咁快10年lu.

Ken704 發表於 2012-1-10 01:08

回復 3# Hon

多謝Hon兄支持 {:1_326:}

pongyusum 發表於 2012-1-10 01:15

本帖最後由 pongyusum 於 2012-1-10 10:11 編輯

畫質方面 : 9分 (10分為滿分)
之前高清首映都有去睇,已經覺得畫質都有好o既表現,在屋企看blu ray 更加突出,10年前電影修復到這很好了...

音效方面: 6.5分 (10分為滿分)
呢個我都唔可以客觀俾分,我只是用sound bar 仔去聽,不過我就收貨了

封面設計: 8.5分 (10分為滿分)
本人覺得仲正過4週年dvd封面,設計又唔太誇張又出現了大部分演員,令人更加了解這電影的cast有咩人...

Hon 發表於 2012-1-10 11:12

KEN SIR出post, 梗要支持la.

记忆点滴 發表於 2012-1-10 12:34

我也买了，还没看

天涯波客 發表於 2012-1-10 13:04

回復 2# Ken704

嘿嘿，应该加多个包装{:1_262:}

小瑟發表於 2012-1-10 17:07

掂喎, 呢個玩法好玩喎, 不過呢隻戲種唔係好岩我, 我下次再玩埋一份先得!!!!

命硬好人 發表於 2012-1-10 17:21