DIY - Sound From Heaven PX 10th Year HD Edition
本帖最後由 sclendan 於 2012-1-8 00:41 編輯{:6_177:} 換左喇叭將近半年, 係時候又要搵d攪作, 但唔想咁快又駛錢升級器材, 不如試下換下喇叭線啦, 雖然一向都唔太相信自己對耳仔有可以分辦到換喇叭線所帶來既”微細” 效果既能力, 但駛既錢又唔多, 又有得DIY玩下, 而且雖則話Klipsch易推, 但用Belden 8471喂座地喇叭睇起黎確係有d喂佢唔飽既感覺......{:6_136:}
材料:
今次既主菜: Sound From Heaven - President X - 10th Year HD Edition
一共40尺, 4芯線, 分5條各8尺, 前置兩條打孖行做Double Run, Bi-wire, 中置喇叭我用Klipsch RC-52 II無Bi-wire所以Double run一條過四芯就ok喇.
線材我係鴨記”聯拎”買既, 面價$29/尺, 聽聞應該有九至八五折, 視乎師兄既牙力. 小弟就幫襯開, 羅多少少, 不過其實都係再俾少幾廿蚊姐…{:6_122:}
至於呢條HD新版10週年同之前黑色既舊版10週年比較, 無知既我見到既分別係, 新版加左一層錫紙(鋁紙)去隔干擾, 外面再包層透明膠線皮俾人睇到佢有錫紙. 拆開線皮入面其實都係咁上下野.{:6_175:}
配菜: CMC 0668-CU-R 紫銅蕉插
“話”美國品牌, 瑞士红铜料（纯紫铜）, 祖國製, 當然幫襯祖國就最底買啦. 多得King Sir同Alfred兄指導, 小弟都係上淘寶訂返黎既. 幫襯果位”自我發雞”$26蚊人仔一隻, 共買了16隻. 因為今次主要係為改善聽歌而做既改動, 聽師兄講, 銅用於聽歌上比白金/銀黎得厚聲, 暖聲, 即管一試, 都唔知會否影響睇戲既表現, 試左先算啦! 至於上淘寶買定係在香港買, 首先, 在旺角果間” 機鋪Lab” 我唔見有紫銅呢隻, 只見到鍍金果隻, 二來呢度有無數師兄幫襯過呢位”自我”兄買過, 自然唔會有信心問題, 學師兄話齋, 唔理佢係真係假, 都只係一件銅器, 又無科技可言既, 又有咁多師兄用過話正!{:6_193:}
伴碟: 都係一d主要係熱縮通, 線網之類既配料, 同埋一d小工具. 熱縮通同線網我就買蕉插果陣淘埋返黎, 淘寶價平好多, 以前置既”優質純黑尼龍避震網套 線徑16-24” 為例, 我見鴨記賣$12尺, 淘寶就$3蚊人仔一米, 1米有 3尺3, 即唔駛1蚊人仔一尺, 我比較過實物應該係同一款貨. 當然如果要買靚既線網就未必係咁諗啦. 另外就係運費, 如果淨係買呢d平既配料既話就唔太化算喇, 因為仲有運費嘛. {:6_142:}
開線鉗($45), 好少少既鑼絲批($20)同他錶($180) - 求其係鴨記電子鋪買, 他錶唔駛太準果, 只係他佢通唔通姐, 鑼絲批仔如果用CMC紫銅蕉就買3mm一字, 我買左把粗柄有軟膠包果d, 之前用眼鏡批收到手指都起pop呀!{:6_181:}開線鉗就要把好少少既, 呢把我好滿意! 條線開到最尾(單芯計), 用2.0mm (12AWG) 黎開線, 我開左16度口一條銅絲都無少過, 呢把鉗堅呀! {:6_193:} 本帖最後由 sclendan 於 2012-1-4 18:26 編輯
{:6_237:}好, 開工大吉!
自問未玩過, 梗係整條易d既中置(因為行單枝) 熱下身先啦!{:6_236:}
開線後, 因為HD版四芯一樣粗, 我是但分正負, 先將每邊既紅白一組(正極), 藍青一組(負極), 順住本身轉開既方向扭埋.
跟住就上蕉同埋套上一紅一黑既10mm熱縮通縮左佢
跟住就”懶靚咁”貼上預先整好既lable.{:6_122:}
”懶靚”labels係excel打既, 用相面膠紙做底.{:6_136:}
最後在蕉插位套上10mm透明熱縮通包好, 再上”純黑色線材避震網”(佢話可以套12到18MM的線材), 兩頭以14mm熱縮通封口, 中置線攪掂!{:6_237:}
跟手將前置既兩條Double Run扭好用熱縮包好定形, 因為條線的確又粗又硬又重{:6_194:} , 扭已經要大力扭, 放手又有少少回彈, 所以夾硬用16mm熱縮通包好定形放左一星期, 對線聽話晒! {:6_138:}
本帖最後由 sclendan 於 2012-1-4 18:44 編輯
一星期後, 到前置果兩條2去4 double run喇.
{:6_162:} 好多謝呢度D師兄既指教! http://www.post76.com/discuss/viewthread.php?tid=93804
今次我用既駁法係D-高低頻分線. 始終最有效既免費對付干擾既方法就係互相低消, 所以用高低頻分線, 電路一來一回電碰場就互相低消啦!{:6_229:}
首先係入線網, 通常舖頭cut線果陣都會長過8尺, 我就一邊頭拍齊線頭, 另一邊一長一短既再包一次熱縮通封頭, 咁用呢邊幼d既入網會易入好多{:6_208:} . 入網前要先將之前用黎定形既熱縮通去除, 咁會靚d既. 線網係”純黑色線材避震網可以套26mm”
跟手穿定4段封口用既25mm黑色熱縮通留待最尾封口.
先做去Amp的一面, 我Amp無bi-wire, 所以先把紅白一組四芯(正極), 藍青一組四芯(負極) 分開.
順住本身轉開既方向扭埋., 整理一下長短.
裝好蕉插, 各自套上14mm熱縮通包好
跟住就貼上”懶靚咁” 既lable, 最後在蕉插位套上10mm透明熱縮通包好, 完成.
同埋我個人鐘意在開叉位封多層25mm熱縮通做定形.
跟住到去喇叭既一邊, 先係兩條四芯線開口位封上16mm熱縮通, 跟住跟返去Amp果頭分既顏色, 兩組兩組正負咁分四條兩芯線各自扭埋上蕉插.
每兩芯線以10mm黑色熱縮通包好(因為反正有lable分色, 我覺得用晒黑色熱縮通型d). 去到呢一步, 其實條線大致已經成型, 想做得好d, 去望一望喇叭果個插線panel既正負高低頻擺位, 將兩條線照住個擺位咁扭正佢, 再用一段25mm熱縮通定形, 因為對上一步已經封左16mm熱縮通係兩條四芯線尾, 如今再封熱縮通就夠晒阻力定位.
跟住就當然又係貼上”懶靚咁” 既lable, 最後在蕉插位套上10mm透明熱縮通包好, 完成. 最尾就係將線網修剪長度, 再用25mm封3層埋尾. 咁就攪掂一條.
跟住見佢咁齋咁o掛, pat pat痕整返個"自作業”logo俾佢先. 封返透明熱縮通... {:6_122:}
{:6_239:} 終於都攪掂晒喇, 安全d, 再由頭他他佢先駁線…
本帖最後由 sclendan 於 2012-1-5 00:11 編輯
{:6_136:} 以下呢一步可能好多師兄會覺得多餘! 不過我覺得電視櫃後面其實會比較難抹塵, 而線網上既網孔肯定勁積塵. 所以我特登買多左兩條特別大既(40mm同25mm)透明熱縮通用黎包住三條線, 呢層最外面既我唔會縮, 一頭一尾用鐵線仔扎起佢, 只係當膠袋咁包住條線, 咁第二時抹塵就非常方便, 條線拆返出黎又新既一樣喇.
換新線喇, 插線位fit晒!
一將功成萬骨枯!{:6_176:}
Belden 8471(左) vs SFH 10th{:6_138:}
報告完畢! 唔好意思! 影相太多! 多謝收看...... {:6_162:} 留位............ ching 真係好手工 !
自制 label ........{:6_193:} 超靚手工!廠線一樣!低加30分比你呀。{:6_193:}
等你報告!{:6_190:} 本帖最後由 KING 於 2012-1-4 20:54 編輯
你用咁多野包住條線，D聲會唔會"濛"左呀？
你用透明熱宿膠包哂外面咁就唔駛用網啦,直頭宿埋成條線去仲靚仔! 超靚手工!廠線一樣!低加30分比你呀。
等你報告!
KING 發表於 2012-1-4 19:05 http://www.post76.com/discuss/images/common/back.gif
真係好詳細做得好好, 小弟都可以用嚟做參考!!! {:6_193:}
我都加咗30分, 無晒分咯...{:6_122:} 夾線果條會唔會危險左D呢{:6_192:}
http://www.post76.com/discuss/attachments/forumid_84/120104183943d9fb69ca9ab74c.jpg