終於搵倒對幾中既書架喇叭 (希望Jadis大師可以比下意見)

ltcHD · 發表於 2011-10-3 23:33

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 ltcHD 於 2011-10-5 12:35 編輯

今日放假冇野做，去左TST同MK試下幾隻目標喇叭。分享下小小聲感：

首先係TST"豐記"試Dali Mentor Menuet(夾O記5009)：都係走快聲路線，音場幾闊，都有離箱感，但低音就如Specifications反影既一樣，聽鼓聲吾夠震憾

跟住MK柏裕16/F試之前冇諗過既Atohm Sirocco 1.0(夾Atoll IN 100)：一聽第一隻歌王菲"如風"就知應該會奶野，音場闊，人聲好吸引，清淅得黎圓滑，節奏明快，高音又吾標。前幾日試既ProAC Tablette，比較暖聲，但其他細節一流，而自己鐘意d清淅帶微暖既聲，Atohm Sirocco 1.0又真係比倒d有ProAC細節，而又帶清爽微暖既聲我，真係好驚喜。之後由試第一鼓，下下有力，下潛同收放都洽到好處，加上老闆話法國喇叭較易推，真係中左一大半

最後去友誠試左同樣冇諗過既Neat Motive 3(夾Pioneer 921(自己都係用佢推住先))：由於冇詳細聽，不能作凖。初步覺得三頻平均，比較困箱，吾及之前試果幾對咁闊，但其實都吾錯，個價又相對平(8K左右)

同大廈試Audio Physic Step 25(夾不知明moon int amp & CDP)，感覺吾太好，吾知係咪未run in定吾夾，高音好標，聽左幾首吾同樣既歌都吾太吸引，但個價就成$14XXX，真係吾太值，但奇怪既係我之前係添置聽過低一個grage隻Yara II Compact，係OK的，佢地都係夾moon遮

至於之前下定決心既目標ELAC BS243，依家聽反又好似太高清，又難推得好，都係放棄啦

PS：今日之行除左柏裕16/F"牛羊"既超好人老闆好耐心咁教我依個新手點去揾自己既心水喇叭之外，其他都係好hard sale既sales，有間我冇去試聽既舖頭，有Spendor賣，於是我多口問佢，如果Spendor SA1同ProAC呀，Dali呀果d點比，佢就話"果d冇得比啦，Dali又吾係以書架響朵既，座地果d就得，不過都成幾皮野啦，書架一定間Spendor啦，ProAC入們model已吾係英國做啦"，我都知Spendor係好野，但你都吾係自己有得賣果d就乜都得，冇既就踩，就算我試野果幾間都相差無幾，一d都吾中肯

另外如果Jadis大師有睇依個post同之前個post的話就比小小意見小弟啦，直係好需要大師d聽過咁多喇叭既前輩指一指路，我11月就會出動"放血"啦
我既聆聽環境：6X呎房仔、10K 預算、放書台上、左右喇叭相距5呎、聆聽距離5呎6、離後牆用到盡7吋、聽POP, JAZZ, Heavy Metal, Classic, 小品乜都聽、再下一步會加隻DAC、半年後再轉INT AMP(會考慮Atoll IN100 或 Roksan k2 或 Onix ra-125) 。
其實依家用Mirage Nanosat聽歌如果用RCA由OPPO BDP80直入AMP係冇低頻，一定要用HDMI行2.1用十仔幫先有番，Mirage Nanosat既聲都算清，但音場同動態就非常不足，有d悶悶既感覺，而且低頻要以十仔出係好吾平衡，所以先會有換對好既喇叭長耐使用，求Jadis大師同各師兄長老指教