Gears of War 3 如何簡單完成瘋狂難度(更新)

marcolau · 發表於 2011-9-27 23:28

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 marcolau 於 2011-9-28 08:30 編輯

今集Gears of War 3除左成就外，仲有黑甲勛章玩。
而其中一面最易攞嘅係黑甲勛章「瘋狂少校」(即代表你已完成瘋狂模式及開啟瘋狂成就)。

「瘋狂少校」黑甲勛章，完成條件係完成故事「瘋狂」模式。
不過，只要有幾條友玩合作就可以簡單完成。

簡單開啟，我稱為「造馬」。

先搵齊4個人一齊玩合作故事
4個人中，兩個選「簡單」，兩個選「瘋狂」-->開始遊行
由得兩個「簡單人」去打，「瘋狂人」可以咩都唔做搵地方哩埋(當然間唔中打下都無所謂，只要保住條命)，直至爆機.....咁就選瘋狂嘅「瘋狂人」就會咩都冇做就完成故事「瘋狂」模式......
如果要4個人都開晒，就要換轉身份打多次。

咁「瘋狂」係唔係變得好無聊?
未必，再睇另一面黑甲勛章....

當用「瘋狂少校」做勛章時，九成人都覺得你「造馬」
如果想人知道你係真材實料冇「造馬」，就要用另一面黑甲勛章....「瘋狂對手」
因為「瘋狂對手」係要打瘋狂難度的「過關挑戰賽」先可以攞到，而且唔可以「造馬」。

過關挑戰賽最好嘅地方係唔會一個死就失敗，而且可以將分數乘陪數，如果想升呢我建議玩哩個mode。

當完成瘋狂難度的「過關挑戰賽」後會同時開晒「瘋狂對手」及「瘋狂少校」黑甲勛章。

不過，「瘋狂對手」唔係冇得屈，只係暫時未有得屈。
過關挑戰賽可以開放「屬性變化器」，如無限彈及近身一擊死等，
我都只係開左D如血花變開花及無頭鬼等無聊屬性，所以未知效果。

不過唔好咁開心住，屬性開啟方法比瘋狂花時間，做得到已經好係野，「瘋狂」模式對你已經冇難度，駛乜屈丫。

但你仍可搵個開左無限彈等屬性嘅人做HOST，比你慢慢打，
哩個係好方法，但佢會唔會采你又另一件事。

我比較在意開啟大頭屬性，但要完成1,000場持久戰.....努力中。

我剩翻最後4個成就，
除左「不同凡響 3.0」外，另外3個都係時間問題。
不同凡響 3.0已經超越我能耐.....

之後目標......1,000場持久戰.....。