音場修正之路-淘寶音擴散發泡膠之引入，同場加映Celestion 6Si

FelixTheCat · 發表於 2016-1-3 17:27

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

2015年上了Audio Experience Symphonies Plus-DX 6x4版：
http://post76.hk/forum.php?mod=viewthread&tid=225124
之後再改善視覺上之不協調：
http://post76.hk/forum.php?mod=viewthread&tid=225664
終於啲起心機，去搞搞個音場。。。

先形容一下我個場是怎樣左右鴛鴦邊：喇叭是放在樓梯旁邊而喇叭後面是一幅小矮牆。左邊是出入口，比較空曠，有足夠空間讓喇叭呼吸，空間感、樂器定位和分隔度非常一流；右邊上方有往上層的中間層，有部分聲音早咗反射，空間感比較侷促，樂器定位也比較前和缺乏分隔度。用Leo Fung九點定位來聽，就是第7，8點有問題。

之前也問過大家，大致上意見也認為擴散板有幫助。但個心一直十五十六，一來似樣D嘅有點大塊，安裝比較困難也比較貴。二來唔左右一齊裝，出來嘅聲怕更古怪（一面自然，一面人工）。

之後跟一個前輩傾開，比佢一盤泠水照頭淋：＂死症，無得救，只加單邊擴散板治標唔治本。要先做牆，平番左右後水平，然後才左右一齊加擴散板，否則一定鴛鴦聲。＂（何其大工程！咪搞！）但前輩有個別開生面嘅提議：＂如只想試試擴散效果，去街市拾D雞蛋紙皮試試，雞蛋紙皮大慨有正式擴散板5-10%作用，但試無妨。＂。。。

於是我開始我嘅拾紙皮生涯，左試右試，確實有丁點改善，但真的只是丁丁點，之後就不了了之。

到有一日，太座從樓下嗌上嚟：＂唔好開咁大聲，D狗要瞓啦！＂。。。哦。。。咪住，咁咪即係有聲音能量從樓上跑到樓下。。。好奇心重的我，想知道左右聲道能量是不是等量的跑到樓下。左試右試，發覺左聲道比右聲道較多流失。

那在我的音場環境修正中，吸音和擴散同樣重要！

之後花了些時間做research，結論是，發覺這門學問，沒有專業儀器量度下，絕對無可能做到百份百準確，但trial & error，正正是玩HiFi樂趣之一，玩玩無妨：
吸音：發覺主要物料是海綿或類似海綿，又分不同NRC，非常難揀。但剛好家中有兩塊大海綿，正好拿來試試。
擴散板：五花八門，但想揀D易於安裝和改動，最後揀了在淘寶有售的音悅匯典擴散發泡膠。貨價不貴，但運費跟貨價差不多一樣。

先從三塊擴散板試起，再和海綿試不同位置和組合，到現在一塊擴散板加一塊海綿效果最好，做到右邊有九成幾似。之後會繼續再試，話唔定真的會砌牆

不幸的是，Proac D18中途打柴待修中，要從床下底揾番對Celestion 6Si出來。。。因為器材變了和音場改善咗，6Si發揮超出我想像，20幾年來現在最好聲

多謝收看！