《The Last Bullet》

jayjay

自從第一集《復仇者聯盟》(The Avengers)喺商業上取得巨大嘅成功後，MARVEL STUDIOS變得愈嚟愈進取，基本上每年都會出兩套戲。咁當然啦，MARVEL STUDIOS根本冇可能拍到好似Christopher Nolan嗰三套《蝙蝠俠》咁登峯造極，但起碼除咗《雷神奇俠2：黑暗世界》(Thor: The Dark World)之外，其他作品如：《美國隊長2》(Captain America: The Winter Soldier)、《鐵申奇俠3》(Iron Man 3)仲有原先大家都唔多睇好嘅《銀河守護隊》(Guardians of the Galaxy)無論喺口碑定商業上者有出人意表嘅成績，難怪呢個品碑會咁成功。                                                                     

講真，我原本都冇打算去睇《蟻俠》(Ant-Man)，但當我知道蟻俠會出現喺下年先至上畫嘅《美國隊長3：英雄內戰》(Captain America: Civil War)，我就嗱嗱聲去買飛，畀自己好好地了解呢個角色，費事搞到自己到時一頭霧水。好明顯，《蟻俠》嘅演員陣容就如片名一樣都係比起之前嘅作品為削，飾演蟻俠嘅Paul Rudd貴為男主角，竟然係冇乜代表作，之前只係喺一啲喜劇度做過閒角，除咗影帝Michael Douglas、同埋拍過《哈比人》(The Hobbits)嘅Evangeline Lily，其餘的，都係冇乜拍過大片，飾演奸角Yellow Jacket嘅Corey Stoll都叫好啲，至少拍過著名電視劇《House of Cards》同《直航殺機》，叫做有啲知名度咁。因為大部分演員過去嘅演出嘅機會唔多，MARVEL STUDIOS為咗證明本片係同其餘作品關係密不可分，喺宣傳上別出心裁，將鐵甲奇俠套盔甲、美國隊長個盾牌同雷神個鎚仔分別加插喺《蟻俠》嘅海報，仲有安排Anthony Mackie客串Falcon一角，無礙係為本片嘅票房打咗枝強心針。

        即使《蟻俠》故事平鋪直敘，但係拍攝手法頗為新穎，對白一啲都唔公式化，例如喺敘述事件經過嘅橋段加入有大量喜劇元素，喺處理Ant-Man同Falcon隻揪個幕亦幾出色, 真係笑到PK；無可否認，好多觀眾都會對大部分演員陌生，但「英雄莫問出處」，邊個話知名度低就演得差? 飾演鐵甲奇俠嘅Robert Downey Jr.都唔係一入行就做男主角啦！演員演得得好與否都係視乎佢地自己嘅造化啫！本片嘅演員個個都做得好稱職，尤其是戲份唔多嘅Michael Peña。最令人欣慰嘅係導演並冇好似《雷神奇俠2》浪費Anthony Hopkins咁浪費Michael Douglas, 反而善用佢嚟發揮功用，十分難得。              

總括而言，《蟻俠》劇情簡單易懂，但係演員演得非常生動，整體電影係有豐富娛樂性，簡直比《復仇聯盟2》更有趣，絕對值回票價。            

順帶一提，本片有兩條彩蛋，其中一條仲直情係喺《美國隊長3》剪出嚟，有美國隊長、Falcon同冬日戰士，記住睇埋先離場呀！                                                      



評分：75/100

jayjay

第一集《職業特工隊》喺1996年推出，當時Tom Cruise飾演嘅Ethan Hunt一啲都唔揪得，但勝在故事夠峯迴路轉，觀眾頗為受落，喺商業上取得十分亮麗嘅成績，令電影喺日後發展成為一個系列。第二集喺2002年推出，由香港大導吳宇森執導，本片自然加入咗不少港產片元素，Tom Cruise嘅角色被設定成武功了得嘅特工，如果齋計算動作場面，呢集係整個系列最出色嘅一集，但係如果論劇本，反而係最平庸嘅一集；不過點都好，作為本系列嘅影迷，我都應該多謝吳宇森，因為佢切底地將男主角打造成身手了得，唔再好似第一集咁手無縛雞之力。第三集喺2006推出，由家將《星空奇遇記》拍得出神入化嘅JJ Abrahams執導兼寫故事，呢集嘅故事非常之情緒化，着重人性刻劃，亦都開始引入團隊合作，改變咗以往頭兩集嘅個人主義，動作場面以爆破為主，埋身肉搏嘅場面雖然冇第二集咁出色，但都非常精釆，雖然票房成績遠較第二集為低，但已經贏盡口碑，為日後第4、5集奠下成熟嘅基礎。第4集片名叫做《職業特工隊：鬼影約章》，加入咗JeremyRenner，Paula同加重咗喺第三集着墨較少嘅Simon，由拍開動畫嘅Brad Bird執導，JJ Abrams寫劇本我相信呢集上畫之前已經有唔少人質疑佢嘅能力。

kc275

除非拍得太爛，否則一定捧場

jayjay

[/color本來，我並冇打算睇《柏靈頓》(Paddington Bear)，你可能覺得：「唓！又唔係大片、大製作，你梗係唔想睇啦！」。千萬不要誤會，我係一個忠實電影迷，我睇戲一向多元化，並深信電影無分貴賤，只會有好同壞，只要拍得好，又唔係令我反胃的題材(如: 同性戀、血腥變態等)，我都會願意看。好明顯，我過往喺Post76寫嘅電影觀後感大部分都係大片，但我平時有時間都會又追番近十幾年來嘅文藝小品，最近又重温咗最近喺劣評如潮嘅重拍版《神奇4俠》(Fantastic Four)飾演石頭人嘅英國演員Jamie Bell嘅十五年前舊作《跳出我的天地》(Billy Elliot)

lukalok

由《雷神索爾2：黑暗世界》導演艾倫泰勒（Alan Taylor）執導的全新重開機魔鬼終結者系列第五部電影《Terminator: Genesis》正式開拍！本片將由 Skydance 製片公司出品，日前也親自釋出了打板照片，並註明了「R.I.P. Sarah」。全新的卡司包括艾蜜莉亞克拉克（Emilia Clarke）飾演沙拉康納、傑森克拉克（Jason Clarke）飾演救世主約翰康納、傑寇特尼（Jai Courtney）飾演凱爾瑞斯、戴奧歐柯奈伊（Dayo Okeniyi）飾演Danny Dyson，以及南韓影帝李秉憲等人，當然也少不了靈魂人物阿諾史瓦辛格（Arnold Schwarzenegger）！將於2015年7月1日上映

freestylemen

反而想知劇情仲有咩好講呢

lkljason

其實故仔會唔會接住terminstor salvation

freestylemen

lkljason 發表於 2014-4-24 11:52
其實故仔會唔會接住terminstor salvation

Salv Sarah 香左好耐，今集無關吧

lkljason

係喎！Sarah 瓜左，唔通前傳？

jayjay

結果，Brad Bird竟然能夠大放異彩，將電影每一個部份都拍得恰到好處，動作場面雖然冇第二、三集咁令人嘆為觀止，但都非常有創意同有心思，令到呢集成為系列中評價最高、票房最標青嘅一集。好嘞，終於嚟到第5集，《職業特工隊：叛逆帝國》，由三年前已經喺《烈探狙擊》同Tom Cruise合作過嘅Christopher執導。今集嘅風格逆趨開黑暗，但係故事明顯冇第三、四集咁有張力，動作場面都幾敗筆吓，攝影師採用太多close up鏡頭，令到有幾場原本可以好可觀嘅打鬥都令人睇到眼花撩亂，飛車場面雖然拍得好過年頭嘅《救參96小時3》，但係已經冇晒前作嘅風馳電掣，死因係鏡頭搖得太勁。除咗動作場面令人失望，導演喺分配演員戲份都出現咗好大嘅失衡，Jeremy Renner除咗戲份少，竟然仲慘到一啲動作戲都冇，其他演員如都冇乜空間反輝，大反派Sean Harris亦都被輕輕帶過，認真大嘥鬼！不過電影都有可取之處，導演懂得參考《狂野時速》系列着重嘅兄弟情，喺今集主角們已經開口埋口話大家兄弟缺一不可，兄弟情呢個元素亦填補咗故事嘅空洞，令主角嘅任務變得更有意義。總結，《叛逆帝國》雖然故事冇新鮮感、動作都遠較第二三四集為差但演員表現極佳加上角色比前作更重兄弟情確係令人動容絕對值得一看