森林大獲鳥~~~~(Earlybird Jungle Powercord)

ropresident · 發表於 2012-8-20 17:43

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

首先要多謝KEN哥咁信任小弟無條件之下借出此線比小弟一試, 更要多謝小瑟兄咁信任小弟.

拎呢條電線返黎之前, 小弟都諗緊呢條線放係邊到試好呢? 見佢講到主力係低頻位, 而且線身之粗更令人打退堂鼓, 雖然如此, 有得試點解唔試? 最多死咪死, 比錢咪比錢~~~(我諗唔會一萬幾千掛)

當我去到拎線既時候, ken哥超好人&介紹條森林鳥插邊到好, 又講下有咩特性, 最衰果日我有事要急住走, 如果唔係一定唔會傾半個鐘咁少.

你都唔好話, 條野真係好重手

比起好多裝假狗既線有非常明顯分別. 不過有一樣野係非常唔希望既事發生左, 條線係完全未煲過的………
姐係代表我要比心機+時間好好炆左佢先有得聽 /.\

好奇心重的我拎到返黎就梗係急不及待從個袋中拎出黎.
但係拎上手既感覺雖然係好重, 但係又好柔軟喎~~~ 無想像中咁硬咁霸道.

不過你下有幾粗~~~~ 小弟隨手拎左個兩蚊銀比大家對比下

有樣野不得不讚, 佢個紅卜卜金屬外殼插頭真係好靚, 而且金屬做, 我諗對於抗EMI/輻射會有幾好既幫助.

而且個電鍍層睇落唔錯~~~

呢個插頭都幾得意, 唔似普通咁用外圍夾實佢, 而係兩邊用羅絲頂實佢

既然森林鳥拿手好戲係低頻量感, 咁就梗係要放佢係amp到用啦. 初步感覺真係平平無奇, 毫無特點可言, 連我用開條AET SCR EVO都好力過佢, 要知道AET既力水都唔係賣點~~~ 算啦, 未煲既線又點會好聲呀?? 咁就晚晚都煲佢, 希望兩星期後有好表現啦……

大約過左兩星期~~~ 好心急咁warm-up佢, 晚晚放工返黎第一時間就係開amp,日日開聲日日唔同, 呢d煲線時間真係好鬼悶……. 如是這過左十幾日, 細細聲都聽得出已經好明顯起左重大變化, 學ken哥話:「條線比到你好punch既感覺, 唔會一舊舊」. 此話絕非虛假, 雖然只係經過左短短兩星期時間, 但係聲音好明顯有力好多, 亦都清晰好多, 相比起SCR之下, 佢既力感有過之而無不及.

換句話講條線都開始進入初步狀態, 最簡單直接就當然係聽返龍騰虎躍, 一下下有力既鼓聲, 表現得如虎添翼, 讓人聽得更熱血沸騰, 更有如換左好力既AMP一樣, 好不爽快呢~~~~ 要知道要有心又有力唔係咁易做得到. 呢part表現唔錯!!

講到低頻咁正, 咁小弟又點會唔試下拿手好曲~~~AIR FORCE ONE呢?
先講講呢隻碟, 此碟真係好蝦人播, 小弟短時間內不斷升LV都係靠佢毒害……
果種有力得黎要好好控制力, 再加上要有量有氣勢, 仲要潛得夠深, 收放自如先播得到既野, 我相信都唔係書架喇叭可以做得到既事.

難能可貴既地方係呢條線播放AIR FORCE ONE時可以做到同JPS相似既強勁低頻, 又做到JPS IN-WALL做唔到既高頻伸廷bor, 不過個人覺得稍微欠缺些少收放自如既控制力. 可愛既係佢比到我一種難以形容既音色傾向, 係一種幾得意既感覺黎.

總括黎講, 係小弟唔知呢條線幾錢之下去試係好的, 唔會先入為主有個人意見或者偏向. 森林鳥既個性係屬於有力, 低頻有量得黎唔算肥, 高低頻伸廷度唔錯. 如果比我估呢條線要幾錢, 我諗幾千蚊都應該無咩可以挑剔既地方吧.